ചിത്രയെ തഴഞ്ഞതിനെതിരെ കാലിക്കറ്റ്​ സർവകലാശാല

ചിത്രയെ തഴഞ്ഞതിനെതിരെ കാലിക്കറ്റ് സർവകലാശാല കോഴിക്കോട്: അഭിമാനതാരമായ പി.യു. ചിത്രയെ ലോക അത്ലറ്റിക്സ് ചാമ്പ്യൻഷിപ്പിനുള്ള ഇന്ത്യൻ ടീമിൽനിന്ന് അകാരണമായി ഒഴിവാക്കിയതിൽ കാലിക്കറ്റ് സർവകലാശാലയുടെ പ്രതിഷേധം. പ്രശ്നത്തിൽ ഇടപെടണമെന്നാവശ്യപ്പെട്ട് വി.സി ഡോ. കെ. മുഹമ്മദ് ബഷീർ ചാൻസലർ കൂടിയായ ഗവർണർ പി. സദാശിവത്തിനും മുഖ്യമന്ത്രി പിണറായി വിജയനും നിവേദനം നൽകി. അത്ലറ്റിക് ഫെഡറേഷൻ ഒാഫ് ഇന്ത്യ ചിത്രയെ ബോധപൂർവം തഴയുകയായിരുന്നു. മൂന്നുവർഷമായി കാലിക്കറ്റ് സർവകലാശാലക്ക് വേണ്ടി അഖിലേന്ത്യ തലത്തിൽ നിരവധി മെഡലുകൾ നേടിയ കാര്യം കായിക വിഭാഗം മേധാവി ഡോ. വി.പി. സക്കീർഹുൈസെൻ ചൂണ്ടിക്കാട്ടി.