ദേശീയപാതയിലെ കുഴികൾ അപകട ഭീഷണി

മണ്ണാർക്കാട്: ദേശീയപാത 966ൽ മണ്ണാർക്കാട്-പാലക്കാട് റൂട്ടിൽ റോഡിലെ കുഴികൾ അപകട ഭീഷണി ഉയർത്തുന്നു. കുമരംപുത്തൂർ ചുങ്കം മുതൽ പാലക്കാട് വരെയുള്ള 40 കിലോമീറ്ററോളം നീളമുള്ള റോഡി​െൻറ പലഭാഗങ്ങളിൽ വൻ ഗർത്തമാണുള്ളത്. മഴ ശക്തമായതോടെ കുഴികളിൽ വെള്ളം നിറഞ്ഞ് മൂടികിടക്കുന്നത് ഇരുചക്രവാഹനങ്ങളെയും മുച്ചക്രവാഹനങ്ങളെയും അപകടത്തിൽപ്പെടുത്തുന്നുണ്ട്. കൊറ്റിയോട് ഉൾപ്പെടെയുള്ള ജങ്ഷനുകളിലെ റോഡി​െൻറ തകർച്ച ഏറെ യാത്രാക്ലേശമുണ്ടാക്കുന്നുണ്ട്. മണ്ണാർക്കാട് നഗരത്തിൽ പല ഭാഗത്തും രൂപംകൊണ്ട കുഴികൾ കഴിഞ്ഞ ദിവസങ്ങളിൽ പൊലീസുകാർ മുൻകൈ എടുത്ത് അടച്ചെങ്കിലും കർക്കടക മാസത്തിലെ മഴയിൽ ഇത് വീണ്ടും ഗർത്തങ്ങളായി മാറി.