അന്വേഷണം വേണം

കരുവാരകുണ്ട്: പുതിയ റേഷൻ കാർഡിൽ അർഹതപ്പെട്ടവർ ബി.പി.എല്ലിൽനിന്ന് പുറത്താവുകയും അനർഹർ കയറിക്കൂടുകയും ചെയ്തതിനെക്കുറിച്ച് അന്വേഷണം വേണമെന്ന് വ്യാപാരി വ്യവസായി സമിതി കരുവാരകുണ്ട് യൂനിറ്റ് ആവശ്യപ്പെട്ടു. ഗ്രാമപഞ്ചായത്ത് ഭരണസമിതി ഇക്കാര്യത്തിൽ രാഷ്ട്രീയ ഇടപെടൽ നടത്തിയതായും യോഗം ആരോപിച്ചു. പ്രസിഡൻറ് പി. കുഞ്ഞാപ്പു ഹാജി അധ്യക്ഷത വഹിച്ചു. പി. ഷൈലേഷ്, എം. മുജീബ്, വി.കെ. ഇസ്ഹാഖ്, എം. ഹനീഫ എന്നിവർ സംസാരിച്ചു.