ചേരിയം മലയിലെ ഒരു ആദിവാസി കുടുംബത്തിനുകൂടി വീട് നിർമാണം തുടങ്ങി

ചേരിയം മലയിലെ ഒരു ആദിവാസി കുടുംബത്തിനുകൂടി വീട് നിർമാണം തുടങ്ങി മങ്കട: ചേരിയം മലയിലെ ഒരു ആദിവാസി കുടുംബത്തിനുകൂടി പട്ടികവർഗ വികസന വകുപ്പി​െൻറ വീട് നിർമാണം തുടങ്ങി. ചേരിയം മലയിൽ നിന്നും വർഷങ്ങൾക്ക് മുമ്പ് ലക്ഷം വീട് കോളനിയിലേക്ക് താമസം മാറ്റിയ വേലായുധ​െൻറ കുടുംബത്തിനാണ് പുതിയ വീടൊരുങ്ങുന്നത്. കൂട്ടിൽ ലക്ഷം വീട് കോളനിയിൽ പത്തു വർഷം മുമ്പ് മങ്കട ഗ്രാമപഞ്ചായത്തി​െൻറ ഫണ്ടും സോളിഡാരിറ്റി യുവജന സംഘടനയുടെ അധ്വാനവും ഉപയോഗിച്ച് നിർമിച്ചിരുന്ന ചെറിയ വീട്ടിലായിരുന്നു ഇത്രയും കാലം വേലായുധ​െൻറ കുടുംബം അന്തിയുറങ്ങിയിരുന്നത്. ഈ വീടി​െൻറ മേൽക്കൂരയും മരങ്ങളും കേടായി കഴിഞ്ഞ വർഷത്തെ മഴക്കാലത്ത് ചോർന്നൊലിക്കാൻ തുടങ്ങിയിരുന്നു. ഇത് ശരിയാക്കൻ വീടിനു മുകളിൽ കയറിയ വേലായുധൻ വീണ് പരിക്കേറ്റ വിവരം മാധ്യമം വാർത്ത നൽകിയിരുന്നു. എന്നാൽ പിന്നീട് ഇദ്ദേഹത്തി​െൻറ വീട് ആരും തിരിഞ്ഞു നോക്കിയിരുന്നില്ല. വീട് വാസയോഗ്യമല്ലാതായതിനെ തുടർന്ന് കഴിഞ്ഞ വർഷം വേലായുധനും കുടുംബവും വെട്ടിലാലയിലുള്ള മക​െൻറ വീട്ടിലാണ് താമസിക്കുന്നത്. അതിനിടയിലാണ് പട്ടിക വർഗ വകുപ്പി​െൻറ ശ്രദ്ധയിൽ ഇക്കാര്യം വരുന്നതും വീട് നിർമാണം ഏറ്റെടുക്കുന്നതും. ചേരിയം മലയിലെ മൊത്തം ഏഴ് ആദിവാസി കുടുംബങ്ങളിൽ കുമാരഗിരി എസ്റ്റേറ്റിലെ കള്ളിക്കൽ പാറമടയിലും മറ്റുമായി താമസിച്ചിരുന്ന കുടുംബങ്ങൾക്ക് 2015ൽ പട്ടികവർഗ വകുപ്പ് ആറ് വീടുകൾ നിർമിച്ചു നൽകിയിരുന്നു. ഇതിനുള്ള സ്ഥലം കുമാരഗിരി എസ്റ്റേറ്റ് വിട്ടുനൽകിയെങ്കിലും അന്ന് വേലായുധന് വീട് അനുവദിച്ച് കിട്ടിയിരുന്നില്ല. നിലവിലുണ്ടായിരുന്ന വീട് തകർന്ന സാഹചര്യത്തിലാണ് ഇയാൾക്ക് പുതിയ വീട് അനുവദിച്ചത്. ചിത്രം: Mankada Adivasi veed: കൂട്ടിൽ ലക്ഷം വീട് കോളനിയിൽ വേലായുധ​െൻറ കുടുംബത്തിന് നിർമിക്കുന്ന വീടി​െൻറ തറ