Begin typing your search above and press return to search.
exit_to_app
exit_to_app
Posted On
date_range 17 July 2017 8:13 AM GMT Updated On
date_range 17 July 2017 8:13 AM GMTകാറിനകത്ത് കുടുങ്ങിയ കുട്ടിയെ ഫയർഫോഴ്സ് രക്ഷിച്ചു
text_fieldsbookmark_border
മലപ്പുറം: കാർ ഓട്ടോമാറ്റിക് ലോക്കായി അകത്തു കുടുങ്ങിയ ആറു വയസ്സുകാരനെ ഫയർഫോഴ്സ് രക്ഷപ്പെടുത്തി. ഊരകം പൂളാപ്പീസിന് സമീപം താമസിക്കുന്ന മടോട്ടിൽ അബ്ദുസ്സലാമിെൻറ മകൻ സിനാൻ സലാമിനാണ് അഗ്നിശമന സേനാംഗങ്ങൾ തുണയായത്. ശനിയാഴ്ച രാത്രി പത്തോടെയാണ് സംഭവം. യാത്ര കഴിഞ്ഞ് മടങ്ങിയെത്തിയ സലാമും ഭാര്യയും ഇവരുടെ മാരുതി ആൾട്ടോ കാറിൽ നിന്നിറങ്ങിയ ഉടനെ ഡോർ അടയുകയും ഓട്ടോമാറ്റിക് ലോക്കാവുകയുമായിരുന്നു. കാറിനകത്തായിരുന്നു താക്കോൽ. ഈ സമയം പിൻസീറ്റിൽ ഉറങ്ങുകയായിരുന്നു സിനാൻ. കാർ തുറക്കാൻ നടത്തിയ ശ്രമങ്ങൾ പരാജയപ്പെട്ടതോടെയാണ് മലപ്പുറം ഫയർഫോഴ്സിെൻറ സഹായം തേടിയത്. തുടർന്ന് ലീഡിങ് ഫയർമാൻ അബ്ദുസലീം സ്റ്റീൽ സ്കെയിൽ ഉപയോഗിച്ച് ഡോറിന് തകരാറുണ്ടാവാത്ത വിധം ലോക്ക് തുറന്ന് കുട്ടിയെ രക്ഷപ്പെടുത്തി. മുഹമ്മദ് ഷിബിൻ, കെ. നവീൻ, വേണുഗോപാൽ എന്നിവരും സംഘത്തിലുണ്ടായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story