Begin typing your search above and press return to search.
exit_to_app
exit_to_app
Posted On
date_range 17 July 2017 8:10 AM GMT Updated On
date_range 17 July 2017 8:10 AM GMTമെഡിക്കൽ/ ഡെൻറൽ പ്രവേശനം: ഒാപ്ഷൻ സമർപ്പണം തുടങ്ങി
text_fieldsbookmark_border
മെഡിക്കൽ/ ഡെൻറൽ പ്രവേശനം: ഒാപ്ഷൻ സമർപ്പണം തുടങ്ങി തിരുവനന്തപുരം: സംസ്ഥാനത്തെ മെഡിക്കൽ/ഡെൻൽ മറ്റ് അനുബന്ധ കോഴ്സുകളിലെ പ്രവേശനത്തിനുള്ള ഒാപ്ഷൻ സമർപ്പണം തുടങ്ങി. എൻജിനീയറിങ്/ആർക്കിടെക്ചർ/ഫാർമസി കോഴ്സുകളിലേക്കുള്ള മൂന്നാംഘട്ട അലോട്ട്മെൻറിന് ഒാൺലൈൻ ഒാപ്ഷൻ കൺഫർമേഷനും ഇതോടൊപ്പം ആരംഭിച്ചിട്ടുണ്ട്. എൻജിനീയറിങ്/ആർക്കിടെക്ചർ/ഫാർമസി കോഴ്സുകളിൽ നിലവിലുള്ള ഹയർ ഒാപ്ഷനുകൾ മൂന്നാംഘട്ടത്തിേലക്ക് പരിഗണിക്കാൻ www.cee.kerala.gov.in വെബ്സൈറ്റിൽ വിദ്യാർഥികൾ അവരുടെ ഹോം പേജിൽ ലഭ്യമാക്കിയിട്ടുള്ള 'Confirm' ബട്ടൺ ക്ലിക് ചെയ്ത് ഒാൺലൈൻ കൺഫർമേഷൻ നടത്തണം. ഒാൺലൈൻ ഒാപ്ഷൻ കൺഫർമേഷനെ തുടർന്ന് നിലവിലുള്ള ഹയർ ഒാപ്ഷൻ പുനഃക്രമീകരണം/ആവശ്യമില്ലാത്തവ റദ്ദാക്കൽ/മെഡിക്കൽ/അനുബന്ധ വിഭാഗത്തിൽ പുതുതായി ഉൾപ്പെടുത്തിയ കോളജ്/കോഴ്സ് എന്നിവയിലേക്ക് ഒാപ്ഷൻ നൽകാനുള്ള സൗകര്യം ഒരുക്കിയിട്ടുണ്ട്. ജൂലൈ 19ന് വൈകീട്ട് മൂന്നു വരെയാണ് ഇൗ സൗകര്യം ലഭ്യമാകുക. ഒാപ്ഷനുകളുടെ അടിസ്ഥാനത്തിൽ 20ന് വൈകീട്ട് മൂന്നിന് അലോട്ട്മെൻറ് പ്രസിദ്ധീകരിക്കും. എൻജിനീയറിങ്/ആർക്കിടെക്ചർ/ഫാർമസി കോഴ്സുകളിലേക്ക് അലോട്ട്മെൻറ് ലഭിക്കുന്നവർ 22 മുതൽ 25 വരെയുള്ള തീയതികളിൽ ഫീസ് ഒടുക്കണം. ഇവർ 25ന് വൈകീട്ട് അഞ്ചിന് മുമ്പ് ബന്ധപ്പെട്ട കോളജിൽ പ്രേവശനം നേടണം. മെഡിക്കൽ/അനുബന്ധ കോഴ്സുകളിൽ അലോട്ട്മെൻറ് ലഭിക്കുന്ന വിദ്യാർഥികൾ അലോട്ട്മെൻറ് മെമ്മോ പ്രകാരം ഫീസടച്ച് ജൂലൈ 30ന് വൈകീട്ട് അഞ്ചിന് മുമ്പ് ബന്ധപ്പെട്ട കോളജിൽ പ്രവേശനം നേടണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story