Begin typing your search above and press return to search.
exit_to_app
exit_to_app
Posted On
date_range 26 Aug 2017 8:04 AM GMT Updated On
date_range 26 Aug 2017 8:04 AM GMTക്ഷേമനിധി പെൻഷൻ മുടങ്ങിയവർക്കായി അദാലത്ത്
text_fieldsbookmark_border
മഞ്ചേരി: ആധാർ കാർഡ് ഇല്ലാത്തതിെൻറ പേരിൽ ക്ഷേമനിധി ബോർഡുകൾ നൽകുന്ന പെൻഷൻ മുടങ്ങിയവർക്കായി പഞ്ചായത്ത് തലത്തിൽ പ്രത്യേക അദാലത്ത് നടത്തുന്നു. ക്ഷേമനിധി ബോർഡുകളിൽനിന്ന് പെൻഷൻ ലഭിച്ചുകൊണ്ടിരിക്കെ, ആധാർ കാർഡില്ലാത്തതിനാലും മറ്റു കാരണങ്ങളാലും പെൻഷൻ മുടങ്ങിയവർക്കായിട്ടുള്ള അദാലത്ത് ആഗസ്റ്റ് 31ന് ആരംഭിക്കും. സെപ്റ്റംബർ 15ന് അവസാനിക്കും. ആധാറിന് പകരം മറ്റു തിരിച്ചറിയൽ രേഖകൾ പരിശോധിച്ചാണ് പെൻഷൻ വിതരണം പുനരാരംഭിക്കുക. 85 വയസ്സായവർ, ശയ്യാവലംബർ, 80 ശതമാനത്തിലധികം ശാരീരിക, മാനസിക വെല്ലുവിളി നേരിടുന്നവർ എന്നിവർ ആധാർ എടുത്തിട്ടില്ല എന്ന് ഗ്രാമപഞ്ചായത്ത്, നഗരസഭ, കോർപറേഷൻ സെക്രട്ടറിയിൽനിന്ന് സാക്ഷ്യപത്രവും ഫോട്ടോ പതിച്ച തിരിച്ചറിയൽ കാർഡും അദാലത്തിൽ ഹാജരാക്കണം. നിലവിൽ രണ്ട് സാമൂഹിക സുരക്ഷ പെൻഷൻ ഒരാൾക്കുതന്നെ വാങ്ങാൻ പറ്റില്ല. അതുകൊണ്ട് സാമൂഹിക പെൻഷൻ വാങ്ങാത്തയാളാണെന്ന് ക്ഷേമനിധി പെൻഷൻ ഗുണഭോക്താവ് എന്ന് അദാലത്തിൽ സത്യവാങ്മൂലം നൽകണം. ഇ.പി.എഫ് പെൻഷൻകാർ, ഭിന്നശേഷിക്കാർ, സ്വയംപര്യാപ്ത ക്ഷേമനിധിയിലെ പെൻഷൻകാർ എന്നിവർക്ക് മാത്രമാണ് രണ്ട് പെൻഷൻ ലഭിക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story