Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightഇരട്ടക്കണ്ണി വല...

ഇരട്ടക്കണ്ണി വല ഉപയോഗിച്ച് മീൻപിടിത്തം: എട്ട്​ വള്ളക്കാർ പിടിയിൽ

text_fields
bookmark_border
പൊന്നാനി: ഇരട്ടക്കണ്ണി വല ഉപയോഗിച്ച് കുഞ്ഞുമത്സ്യങ്ങളെ പിടിച്ച എട്ട് വള്ളക്കാർക്കെതിരെ ഫിഷറീസ് വകുപ്പ് നടപടി എടുത്തു. തീരപ്രദേശം കേന്ദ്രീകരിച്ച് പ്രജനനം നടന്ന കുഞ്ഞൻമത്തി ഉൾപ്പടെ ചെറുമീനുകളെയാണ് നിരോധിച്ച ഇരട്ടക്കണ്ണി വല ഉപയോഗിച്ച് വള്ളക്കാർ വലയിൽ കുരുക്കിയത്. ചെറുമീനുകൾ പിടിച്ചെടുത്ത് കർണാടക, തമിഴ്നാട്, ആന്ധ്ര എന്നിവിടങ്ങളിലേക്ക് വളം നിർമാണത്തിന് കയറ്റി അയക്കുന്ന സംഘം ജില്ലയിലെ തീരദേശം കേന്ദ്രീകരിച്ച് പ്രവർത്തിക്കുന്നുണ്ട്. കഴിഞ്ഞ വർഷം ട്രോളിങ് നിരോധന സമയത്ത് ദിവസവും 25 ലോറി വീതം ചെറുമീനുകളാണ് ഇത്തരത്തിൽ വളം നിർമാണത്തിന് കടത്തിയത്. ഇതുകാരണം മത്തി, മാന്തൾ, വേളൂരി തുടങ്ങിയ മത്സ്യങ്ങളുടെ ലഭ്യത കുറഞ്ഞിരുന്നു. പിടിച്ചെടുത്ത വള്ളങ്ങൾക്ക് 20,000 രൂപ പ്രകാരം പിഴ ചുമത്തി.
Show Full Article
TAGS:LOCAL NEWS 
Next Story