നോക്കുകൂലിക്കെതിരെ നടപടി വേണം ^കോവൂർ കുഞ്ഞുമോൻ

നോക്കുകൂലിക്കെതിരെ നടപടി വേണം -കോവൂർ കുഞ്ഞുമോൻ പാലക്കാട്: നോക്കുകൂലി വാങ്ങുന്നത് തൊഴിലാളി യൂനിയൻ സംസ്കാരമല്ലെന്നും ശക്തമായ നടപടി വേണമെന്നും കോവൂർ കുഞ്ഞുമോൻ എം.എൽ.എ. യു.ടി.യു.സി (ലെനിനിസ്റ്റ്) സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ക്ഷേമനിധിയിൽ അംഗമായ 60 വയസ്സ് കഴിഞ്ഞ മുഴുവൻ തൊഴിലാളികളുടെയും വിരമിക്കൽ ആനുകൂല്യം നൽകണമെന്നും ആവശ്യപ്പെട്ടു. ആർ.എസ്.പി ലെനിനിസ്റ്റ് ജില്ല സെക്രട്ടറി പി.ടി. വേലായുധൻ അധ്യക്ഷത വഹിച്ചു. അഡ്വ. എസ്. ബാലദേവ്, ചുങ്കം നിസാം, ഷാജി ഫിലിപ്, ബാബു ചക്കുവള്ളി, അഡ്വ. സജയൻ, കെ. ശിവദാസ്, കോവൂർ മോഹൻ തുടങ്ങിയവർ സംസാരിച്ചു.