ബൈക്ക്​ മോഷണം; പ്രധാന പ്രതി പിടിയിൽ

വാഴക്കാട്: ബൈക്ക് മോഷണക്കേസിലെ പ്രധാന പ്രതിയെ വാഴക്കാട് പൊലീസ് പിടികൂടി. പുളിക്കൽ കണ്ടംപെട്ടിക്കാവിൽ ജോമോനെയാണ് (21) അറസ്റ്റ് ചെയ്തത്. ഇയാളിൽനിന്ന് അഞ്ച് ബൈക്കുകൾ പൊലീസ് കണ്ടെടുത്തു. കഴിഞ്ഞ ദിവസം കാരാട്ട് അങ്ങാടിയിൽ പട്രോളിങ്ങിനിടെ രണ്ട് വിദ്യാർഥികളെ പൊലീസ് അറസ്റ്റ് ചെയ്തിരുന്നു. ഇവരിൽനിന്ന് ലഭിച്ച മൊഴിയുടെ അടിസ്ഥാനത്തിലാണ് പ്രധാന സൂത്രധാരൻ പിടിയിലായത്. മലപ്പുറം മജിസ്ട്രേറ്റ് മുമ്പാകെ ഹാജരാക്കിയ പ്രതിയെ റിമാൻഡ് ചെയ്തു.