ഹോട്ടൽ ഉടമകളുടെ പാർലമെൻറ്​ മാർച്ച്​ നാളെ

ന്യൂഡൽഹി: ഹോട്ടൽ ഭക്ഷണത്തിന് ജി.എസ്.ടി ഏർപ്പെടുത്തിയതിനെതിരെ കേരള ഹോട്ടൽ റസ്റ്റാറൻറ് അസോസിയേഷൻ വ്യാഴാഴ്ച പാർലമ​െൻറ് മാർച്ച് നടത്തും. കേരളത്തിൽ അരശതമാനം നികുതി ഉണ്ടായിരുന്ന േഹാട്ടൽ ഭക്ഷണത്തിന് കനത്ത നികുതി ഏർപ്പെടുത്തിയത് പ്രതിഷേധാർഹമാണ്. ഹോട്ടൽ ഭക്ഷണത്തിന് ഏർപ്പെടുത്തിയ ജി.എസ്.ടി പൂർണമായി എടുത്തുകളയുകയോ അല്ലെങ്കിൽ ഇൻപുട്ട് ആനുകൂല്യം ലഭ്യമാകുന്ന തരത്തിൽ അഞ്ചു ശതമാനം ജി.എസ്.ടിയായി നിജപ്പെടുത്തുകയോ ചെയ്യണമെന്നാവശ്യപ്പെട്ടാണ് പാർലമ​െൻറ് മാർച്ച് സംഘടിപ്പിക്കുന്നതെന്ന് അസോസിയേഷൻ നേതാക്കളായ മൊയ്തീൻ ഹാജി, ജി. ജയപാൽ, ജി.കെ. പ്രകാശൻ, സി.ജെ. ചാർളി തുടങ്ങിയവർ വ്യക്തമാക്കി.