സ്കോളർഷിപ് തുക ഉടൻ വിതരണം ചെയ്യണമെന്ന്​

കൊടുവള്ളി: മുനിസിപ്പാലിറ്റിയിൽ ശാരീരിക മാനസിക വെല്ലുവിളി നേരിടുന്ന വിദ്യാർഥികളുടെ സ്കോളർഷിപ് തടഞ്ഞുവെച്ച നടപടിയിൽ എൻ.എസ്.എൽ കൊടുവള്ളി മുനിസിപ്പൽ കമ്മിറ്റി പ്രതിഷേധിച്ചു. യുദ്ധകാലാടിസ്ഥാനത്തിൽ അർഹരായവർക്ക് ഫണ്ട് ലഭിക്കാൻ ആവശ്യമായ നടപടി നഗരസഭ സ്വീകരിക്കണമെന്ന് കമ്മിറ്റി ആവശ്യപ്പെട്ടു. ഇ.സി. അലി ഹംദാൻ ഉദ്ഘാടനം ചെയ്തു. സലാഹുദ്ദീൻ മുക്കിലങ്ങാടി അധ്യക്ഷത വഹിച്ചു. മുബഷിർ പട്ടിണിക്കര, റഹീബു തങ്ങൾ, അനസ് എന്നിവർ സംസാരിച്ചു.