സീബ്രാലൈനിൽ ബസ്തട്ടി സ്ത്രീക്ക്​ പരിക്ക്​

നന്തിബസാർ: സീബ്രാലൈനിൽ റോഡ് മുറിച്ചുകടക്കവേ ടൗണിൽ അമിതവേഗതയിൽ വന്ന ബസ് തട്ടി സ്ത്രീക്ക് ഗുരുതരപരിക്ക്. പള്ളിക്കര റോഡിലെ വീട്ടിൽ ജോലിക്കുനിന്ന പേരാമ്പ്ര സ്വദേശിനി നാരായണിയെയാണ് ബസ് തട്ടിയത്. ഉടൻ മെഡിക്കൽ കോളജ് ആശുപത്രിയിലേക്കു കൊണ്ടുപോയി. വീട്ടിൽനിന്ന് മത്സ്യം വാങ്ങാൻ വന്ന നാരായണിയെ സീബ്രാലൈനിൽ ഓവർടേക്ക് ചെയ്തുവന്ന കോഴിക്കോേട്ടക്കുള്ള ന്യൂലൈഫ് ബസാണ്‌ ഇടിച്ചത്. അപകടം സംഭവിച്ചയുടൻ ഡ്രൈവർ ഓടി രക്ഷപ്പെട്ടു. പൊലീസ് സ്ഥലത്തെത്തി ഗതാഗത സ്തംഭനം ഒഴിവാക്കി.