Begin typing your search above and press return to search.
exit_to_app
exit_to_app
Posted On
date_range 6 Nov 2018 5:01 AM GMT Updated On
date_range 6 Nov 2018 5:01 AM GMTപെട്രോൾ കുപ്പിയിൽ നൽകാത്തതിനാൽ നാട്ടുകാർ വിതരണം തടഞ്ഞു
text_fieldsbookmark_border
ബേപ്പൂർ: ആർ.എം ഹോസ്പിറ്റലിനു മുൻവശമുള്ള പെട്രോൾപമ്പിൽ വാഹനങ്ങൾ കാത്തുനിൽക്കുമ്പോൾ കുപ്പിയുമായി വന്നവർക്ക് പെട്രോൾ നൽകാത്തതിലുള്ള പ്രതിഷേധത്തെത്തുടർന്ന് വിതരണം തടസ്സപ്പെട്ടു. തിങ്കളാഴ്ച രാത്രി എട്ടുമണിയോടെയാണ് സംഭവം. പമ്പ് ജീവനക്കാരുടെ ഉറച്ച നിലപാടിൽ കുപ്പിയുമായി വന്നവർ തർക്കത്തിലായി. കുപ്പിയിൽ പെട്രോൾ നൽകിയില്ലെങ്കിൽ മറ്റാർക്കും നൽകാൻ അനുവദിക്കില്ലെന്നായപ്പോൾ വിതരണം തടസ്സപ്പെടുകയും ചെയ്തു. ഇതുകാരണം വാഹനവുമായി വന്നവരും കുപ്പിയിൽ പെട്രോൾ വാങ്ങാൻ വന്നവരും തമ്മിൽ തർക്കമായി. വിവരമറിഞ്ഞ് ബേപ്പൂർ എ.എസ്.ഐ സന്തോഷ്കുമാറിെൻറ നേതൃത്വത്തിൽ പൊലീസ് സംഭവസ്ഥലത്തെത്തി. സ്റ്റോക്ക് കുറവായതിനാലാണ് വാഹനങ്ങൾക്കു മാത്രം പെട്രോൾ നൽകുന്നതെന്ന് പമ്പ് ജീവനക്കാർ പൊലീസിനെ അറിയിച്ചു. സ്റ്റോക്ക് കുറവാണെന്ന് ബോധ്യമായതിനാൽ വാഹനവുമായി വന്നവർക്ക് നൽകിയതിനുശേഷം മാത്രം കുപ്പിയിൽ ഉള്ളവർക്ക് നൽകിയാൽ മതിയെന്ന തീരുമാനത്തിൽ പെട്രോൾ വിതരണം പൊലീസ് സാന്നിധ്യത്തോടെ വീണ്ടും പുനഃസ്ഥാപിക്കുകയായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story