എൽ.ഡി.എഫ് പ്രതിഷേധ പ്രകടനം നടത്തി

കൊടുവള്ളി: പൂനൂർ പുഴയോരത്തെ സ്റ്റേജും പരിസരവും അജൈവ മാലിന്യം സംഭരിച്ചുവെക്കാനുള്ള സ്ഥലമായി ഉപയോഗിക്കാനുള്ള മുനിസിപ്പൽ ഭരണസമിതിയുടെ നീക്കത്തിനെതിരെ എൽ.ഡി.എഫ് കൊടുവള്ളി മുനിസിപ്പൽ കമ്മിറ്റി പ്രധിഷേധ പ്രകടനം നടത്തി. നിരവധി കുടിവെള്ള പദ്ധതികൾ പ്രവർത്തിക്കുന്ന പൂനൂർ പുഴയോരത്ത് മാലിന്യ നിക്ഷേപ കേന്ദ്രമാക്കാനുള്ള നീക്കം ഉപേക്ഷിക്കണമെന്ന് എൽ.ഡി.എഫ് പ്രതിഷേധയോഗം ആവശ്യപ്പെട്ടു. ഒ.പി.ഐ. കോയ, ഒ.പി. റഷീദ്, എം.കെ. ഷറഫുദ്ദീൻ, ഒ.ടി. സുലൈമാൻ, പി.ടി.സി. ഗഫൂർ, സി.എം. ബഷീർ എന്നിവർ പ്രകടനത്തിന് നേതൃത്വം നൽകി.