പഞ്ചായത്തിലെ ആദ്യത്തെ ലൈഫ് ഭവനം തുറന്നു

നന്തിബസാർ: മൂടാടി പഞ്ചായത്തിലെ ആദ്യ ലൈഫ്ഭവനം വൻമുഖത്തെ അച്ചാർകണ്ടി കദീശക്കു താക്കോൽ നൽകി ഗ്രാമപഞ്ചായത്ത് പ്രസിഡൻറ് ഷീജ പട്ടേരി ഉദ്ഘാടനം ചെയ്തു. പഞ്ചായത്തിലാകെ 82 വീടാണ് അനുവദിച്ചത്. അതിൽ 42 എണ്ണത്തി​െൻറ പണി പൂർത്തിയാകുന്നു. നാല് ലക്ഷം രൂപ വീതമാണ് ഓരോ വീടിനും ലഭിക്കുക. ഒരു വീടി​െൻറ ജോലിയാണ് ഇപ്പോൾ പൂർത്തിയായത്. വൈസ്പ്രസിഡൻറ് കെ. ജീവാനന്ദൻ, മെംബർമാരായ യു.വി. മാധവൻ, പി. റഷീദ, സോമലത, സി.കെ. ശ്രീകുമാർ, കെ.വി. നൗഷാദ്, പി.കെ. ഹുസൈൻഹാജി, പി.കെ. മോഹനൻ, കെ. അബൂബക്കർഹാജി, എം. ചേക്കുട്ടിഹാജി, സി. അജിത്തുകുമാർ, പി.കെ. മുഹമ്മദലി, റഷീദ്‌ കോളറാട്ടിൽ, ഹനീഫ നിലയെടുത്ത, കെ.പി. കരീം തുടങ്ങിയവർ പങ്കെടുത്തു.