ജൈവവൈവിധ്യ പാർക്കിന് തുടക്കമായി

മുക്കം: മണാശ്ശേരിയിലെ എം.എ.ഒ.എൽ.പി സ്കൂളും എം.എ.എം.ഒ കോളജ് എൻ.എസ്.എസ് യൂനിറ്റും ചേർന്ന് മണാശ്ശേരിയിൽ തയാറാക്കുന്ന . ഫലവൃക്ഷങ്ങൾ, ജൈവ അടുക്കളത്തോട്ടം, പൂന്തോട്ടം എന്നിവയാണ് പദ്ധതിക്ക് ലക്ഷ്യമിടുന്നത്. ഫലവൃക്ഷത്തോട്ടം നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എൻ. ചന്ദ്രനും അടുക്കളത്തോട്ടം കൃഷി അസിസ്റ്റൻറ് സുബ്രഹ്മണ്യനും പൂന്തോട്ടം പ്രധാനാധ്യാപകൻ എ.എം. നിസാർ ഹസനും ചെടികൾ നട്ട് ഉദ്ഘാടനം ചെയ്തു. എൻ.എസ്.എസ് പോഗ്രാം ഓഫിസർ എ. ലുഖ്മാൻ അധ്യക്ഷത വഹിച്ചു. ഹയർ സെക്കൻഡറി പ്രിൻസിപ്പൽ പി.പി. ഹംസ, പി.കെ. ആമിന, പി. അബ്ദുന്നാസർ, മരക്കാർ മാസ്റ്റർ എന്നിവർ സംസാരിച്ചു.