Begin typing your search above and press return to search.
exit_to_app
exit_to_app
Posted On
date_range 17 Sep 2018 7:59 AM GMT Updated On
date_range 17 Sep 2018 7:59 AM GMTമാല പിടിച്ചുപറി: മൂന്നു യുവാക്കൾ പിടിയിൽ
text_fieldsbookmark_border
കോഴിക്കോട്: സ്വർണമാല പിടിച്ചുപറിച്ച കേസിൽ മൂന്നു പേരെ മെഡിക്കൽ കോളജ് പൊലീസ് അറസ്റ്റ് ചെയ്തു. കോട്ടയം കൈതമനത്താഴം ബിലാൽ ബക്കർ (22), പെരിെങ്ങാളം പുൽപറമ്പിൽ ജിഷ്ണു (22), കുന്ദമംഗലം ആനപ്പാറ എടവലത്തുപടി മുരളീധരൻ (22) എന്നിവരെയാണ് അറസ്റ്റ് ചെയ്തത്. മെഡിക്കൽ കോളജ് പി.ജി ഹോസ്റ്റലിനു സമീപം കഴിഞ്ഞ മാസം 21ന് തിരൂർ പുറത്തൂർ സ്വദേശിനി വിമലയുടെ രണ്ടരപവെൻറ മാലയും ബാഗും ബൈക്കിലെത്തി തട്ടിപ്പറിച്ച കേസിലെ പ്രതികളാണ് ബിലാലും മുരളീധരനും. കോട്ടയത്ത് സ്ത്രീയുടെ മാല പൊട്ടിച്ചെന്ന കേസിലാണ് ബിലാൽ ബക്കറും ജിഷ്ണുവും കുടുങ്ങിയത്. മറ്റൊരു കേസിൽ മെഡിക്കൽ കോളജ് പൊലീസിൽ ബിലാലിനെതിരെ വാറൻറുണ്ട്. മൂന്നു പേരെയും കുന്ദമംഗലം കോടതിയിൽ ഹാജരാക്കി റിമാൻഡ് ചെയ്തു. കോവൂർ എം.എൽ.എ റോഡിൽ ശനിയാഴ്ച രാത്രി പിടിയിലായ ബിലാൽ ബക്കറെ ചോദ്യംചെയ്തപ്പോഴാണ് മറ്റു പ്രതികളെക്കുറിച്ച് വിവരം ലഭിച്ചത്. തുടർന്ന് ജിഷ്ണുവിനെ പെരിെങ്ങാളത്തുനിന്നും മുരളീധരനെ കുന്ദമംഗലത്തുനിന്നും ഞായറാഴ്ച പിടികൂടുകയായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story