പ്രസംഗ മത്സരം നടത്തി

പ്രസംഗ മത്സരം മേപ്പയൂർ: അരിക്കുളം ഗ്രാമപഞ്ചായത്ത് ഇ.എം.എസ് സ്മാരക സെൻട്രൽ ലൈബ്രറി വനിതാവേദിയുടെ ആഭിമുഖ്യത്തിൽ വനിതകൾക്കായി പ്രസംഗ മത്സരം നടത്തി. പഞ്ചായത്ത് പ്രസിഡൻറ് സി. രാധ ഉദ്ഘാടനം നിർവഹിച്ചു. പ്രീത ബാബു അധ്യക്ഷത വഹിച്ചു. വി. ജിജി, കെ.എം. സുഹൈൽ, എ.എം. ബിജു, സി. പ്രഭാകരൻ, പി.കെ. അൻസാരി, ഉമാദേവി, പി. മജീദ്, ഡി. സായൂജ്, മിനി കുമാരി എന്നിവർ സംസാരിച്ചു. രജനി ഒന്നാം സ്ഥാനവും പി.കെ. സുമില രണ്ടാം സ്ഥാനവും വി. സുശീല മൂന്നാം സ്ഥാനവും നേടി. വിജയികൾക്ക് സമ്മാനം നൽകി.