Begin typing your search above and press return to search.
exit_to_app
exit_to_app
Posted On
date_range 12 May 2018 5:11 AM GMT Updated On
date_range 12 May 2018 5:11 AM GMTക്വാറിക്കെതിരെ പരാതി നൽകില്ലെന്ന നിബന്ധന: പഞ്ചായത്ത് സെക്രട്ടറിയെ സ്ഥലം മാറ്റി
text_fieldsbookmark_border
കൊടിയത്തൂർ: വീട്ടുനമ്പറിനായി അപേക്ഷ നൽകിയ ആളോട് ക്വാറിക്കും ക്രഷറിനുമെതിരെ പരാതി നൽകിെല്ലന്ന് മുദ്രപത്രത്തിൽ എഴുതി നൽകണമെന്ന നിർബന്ധിച്ച പഞ്ചായത്ത് സെക്രട്ടറി പി.പി. രാജനെ സ്ഥലംമാറ്റി. മലപ്പുറം ജില്ലയിലെ അരീക്കോട് പഞ്ചായത്ത് ഓഫിസിലേക്കാണ് സ്ഥലംമാറ്റിയത്. പഞ്ചായത്തീരാജ് നിയമങ്ങള്ക്ക് വിരുദ്ധമായി ഉത്തരവിറക്കിയെന്ന് അന്വേഷണത്തില് തെളിഞ്ഞതിനെ തുടര്ന്ന് തദ്ദേശ സ്വയംഭരണ വകുപ്പ് ഡയറക്ടറാണ് സ്ഥലം മാറ്റിയതെന്ന് പഞ്ചായത്ത് പ്രസിഡൻറ് പറഞ്ഞു. തോട്ടുമുക്കത്തെ അബ്ദുൽ ഖാദറെന്ന കെട്ടിട ഉടമക്ക് നൽകിയ നോട്ടീസിൽ ക്വാറിക്കെതിരെ പരാതി ഉന്നയിക്കില്ലെന്ന് 200 രൂപയുടെ മുദ്രപത്രത്തില് എഴുതിനൽകണമെന്ന നിബന്ധനയെ തുടർന്ന് സംഭവം വിവാദമാവുകയും കെട്ടിട ഉടമക്ക് പഞ്ചായത്ത് സെക്രട്ടറി നൽകിയ നോട്ടീസിലെ മൂന്നാമത്തെ നിബന്ധന കേരള കെട്ടിട നിർമാണച്ചട്ട പ്രകാരം നിയമപരമല്ലെന്നു കണ്ടതിനാൽ പ്രസിഡൻറ് നിബന്ധന റദ്ദു ചെയ്യുകയും സെക്രട്ടറിയോട് വിശദീകരണം ആവശ്യപ്പെടുകയും ചെയ്തിരുന്നു. നടപടി സ്ഥലംമാറ്റത്തിൽ മാത്രം ഒതുക്കി, വിവാദ നിബന്ധന കൊണ്ടുവന്ന പഞ്ചായത്ത് സെക്രട്ടറിക്കെതിരായ നടപടി പ്രഹസനമാക്കിയെന്നും ആക്ഷേപമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story