നടുവണ്ണൂർ-പേരാമ്പ്ര സംസ്ഥാന പാതയിൽ അപകടക്കുഴി വാഹനാപകടം പതിവ്​

നടുവണ്ണൂർ: നടുവണ്ണൂർ -പേരാമ്പ്ര സംസ്ഥാന പാതയിൽ വാഹനയാത്രികർക്ക് അപകടക്കെണിയൊരുക്കി വൻകുഴി. നടുവണ്ണൂർ ആഞ്ഞോളിമുക്ക് വളവിനടുത്താണ് കുഴിയുള്ളത്. മഴവെള്ളം നിറഞ്ഞ് കുഴി കാണാതെ അപകടത്തിൽപെടുന്നത് നിരവധി പേരാണ്. ഓവുചാൽ ഇല്ലാത്തതാണ് പ്രധാന പ്രശ്നം. കഴിഞ്ഞ ദിവസം ബൈക്ക് യാത്രികൻ അപകടത്തിൽപെട്ട് കാലി​െൻറ എല്ലിന് ക്ഷതമേറ്റു. കുഴികൾ അടച്ച് സംസ്ഥാന പാതയിൽ അപകടം ഇല്ലാതാക്കണമെന്നും വെള്ളക്കെട്ട് ഒഴിവാക്കാൻ ഓവുചാൽ നിർമിക്കണമെന്നുമാണ് നാട്ടുകാരുടെ ആവശ്യം.