Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightവളർത്തുനായ്​ക്കളുടെ...

വളർത്തുനായ്​ക്കളുടെ ആക്രമണത്തിൽ മലയാളി വയോധിക മരിച്ചു

text_fields
bookmark_border
ചെന്നൈ: ആവഡി ഒാർഡനൻസ് ഫാക്ടറിക്ക് സമീപം മകൻ വളർത്തിയ നായ്ക്കളുടെ ആക്രമണത്തിൽ മലയാളി വയോധിക മരിച്ചു. തലശ്ശേരി പാനൂർ താഴെവീട്ടിൽ ചന്ദ്രശേഖറി​െൻറ ഭാര്യ ഗൗരി (68) ആണ് മരിച്ചത്. ചൊവ്വാഴ്ച രാവിലെയാണ് സംഭവം. ആവഡി ഗോവർധനഗിരിയിൽ മകൻ സന്തോഷി​െൻറ വീട്ടിലെ വളർത്തുനായ്ക്കളാണ് ഗൗരിയെ ആക്രമിച്ചതെന്ന് പൊലീസ് പറഞ്ഞു. ഗൗരിക്ക് മറവിരോഗമുണ്ടായിരുന്നു. ഭർത്താവിനൊപ്പം വീടി​െൻറ താഴെനിലയിൽ ദമ്പതികളും മകൻ സന്തോഷും കുടുംബവും മുകൾ നിലയിലുമാണ് താമസിക്കുന്നത്. അടുത്തിടെ സന്തോഷ് രണ്ടു റോട്ട്‌വീലർ നായ്ക്കളെ വാങ്ങിയിരുന്നു. സന്തോഷ് ഒഴികെ ആരുമായും ഇണങ്ങാത്ത നായ്ക്കളെ വീടി​െൻറ ടെറസിൽ പാർപ്പിച്ചിരിക്കുകയായിരുന്നു. ഇത് മറന്ന് അവിടേക്കുചെന്ന ഗൗരിയെ നായ്ക്കൾ ആക്രമിക്കുകയായിരുന്നു. മറ്റുള്ളവർ ശബ്ദമൊന്നും കേട്ടിരുന്നില്ലെന്ന് പൊലീസിനു മൊഴി നൽകി. ഏറെനേരം കാണാത്തതിനെത്തുടർന്ന് സന്തോഷ് നടത്തിയ തിരച്ചിലിലാണ് ടെറസിനു മുകളിൽ ഗൗരിയെ കണ്ടെത്തിയത്. നായ്ക്കൾ കടിച്ചു വികൃതമാക്കിയ നിലയിലായിരുന്നു മുഖം. ആശുപത്രിയിലെത്തിച്ചെങ്കിലും മരിച്ചിരുന്നു. സംസ്കാരം ചെന്നൈയിൽ നടത്തി. പൊലീസ് കേസെടുത്തു.
Show Full Article
TAGS:LOCAL NEWS 
Next Story