എം.ഇ.എസി​െൻറ 1,000 സന്നദ്ധ പ്രവർത്തകർ ആലപ്പുഴയിലേക്ക്​

ഇവർ 270 സ്കൂളുകൾ ശുചീകരിക്കും കോഴിക്കോട്: പ്രളയത്തിൽ ഉപയോഗശൂന്യമായ സ്കൂളുകൾ ശുചീകരിക്കാൻ എം.ഇ.എസ് പ്രസിഡൻറ് ഡോ. ഫസൽ ഗഫൂറി​െൻറ നേതൃത്വത്തിൽ 1,000 സന്നദ്ധ പ്രവർത്തകർ ആലപ്പുഴയിലേക്ക്. ഇവർ 270 സ്കൂളുകൾ ശുചീകരിക്കും. ദുരിതാശ്വാസ ക്യാമ്പുകളായി പ്രവർത്തിച്ച വിവിധ ജില്ലകളിലെ എം.ഇ.എസ് സ്ഥാപനങ്ങളിൽ 15,000ത്തോളം പേരാണ് താമസിച്ചത്. ഇവിടങ്ങളിലേതുൾപ്പെടെ നിരവധി ദുരിതാശ്വാസ ക്യാമ്പുകളിലേക്ക് സഹായമെത്തിച്ചു. എം.ഇ.എസ് മെഡിക്കൽ കോളജി​െൻറ നേതൃത്വത്തിലുള്ള സംഘം വിവിധയിടങ്ങളിൽ പരിശോധന ക്യാമ്പും സംഘടിപ്പിച്ചു. ഡോ. ഫസൽ ഗഫൂറി​െൻറ അധ്യക്ഷതയിൽ ചേർന്ന പ്രളയബാധിത കോഒാഡിനേഷൻ കമ്മിറ്റി യോഗത്തിൽ പ്രഫ. പി.ഒ.ജെ. ലബ്ബ, വി. മൊയ്തുട്ടി, ഡോ. കെ.പി. അബൂബക്കർ, എം. അലി, എം.എം. അബൂബക്കർ, ഡോ. എൻ.എം. മുജീബ്റഹ്മാൻ, അഡ്വ. എ.പി.എം. നസീർ, പ്രഫ. കടവനാട് മുഹമ്മദ് എന്നിവർ സംസാരിച്ചു.