ഓണാഘോഷമില്ല: സമാഹരിച്ച തുക ദുരിതാശ്വാസ നിധിയിലേക്ക്

തിരുവമ്പാടി: വാപ്പാട്ട് നാട്ടുകൂട്ടം ഇക്കുറി ഓണാഘോഷ പരിപാടികൾ ഒഴിവാക്കി. ആഘോഷത്തിനായി സ്വരൂപിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. മലർവാടി ആർട്സ് ആൻഡ് സ്പോർട്സ് ക്ലബും മഴതുള്ളി ബാലസഭയും ഓണാഘോഷത്തിന് സ്വരൂപിച്ച തുകയും ദുരിതാശ്വാസ നിധിയിലേക്ക് നൽകി. തുക നാട്ടുകൂട്ടം ഓണാഘോഷ കമ്മിറ്റി രക്ഷാധികാരി ടി.കെ. ശിവൻ, പഞ്ചായത്ത് പ്രസിഡൻറ് പി.ടി. അഗസ്റ്റിന് കൈമാറി. അനിൽകുമാർ വേങ്ങംപറമ്പിൽ, പി.സി. അഷ്റഫ്, സൈതലവി, രതീഷ്കുമാർ എന്നിവർ സംബന്ധിച്ചു.