കിണറുകൾ വൃത്തിയാക്കാൻ അഗ്നിരക്ഷാസേനയും

കോഴിക്കോട്: കോഴിക്കോട് ഫയർ ആൻഡ് റെസ്ക്യൂ സർവിസസി​െൻറ നേതൃത്വത്തിൽ വെള്ളപ്പൊക്കത്തിൽ മുങ്ങിപ്പോയ കിണറുകൾ വൃത്തിയാക്കി. കണ്ണാടിക്കൽ ഭാഗത്ത് വെള്ളപ്പൊക്കത്തിൽ വൃത്തികേടായി ഉപയോഗ ശൂന്യമായ 12 കിണറുകളാണ് വെള്ളം വറ്റിച്ച് വൃത്തിയാക്കിയത്. സ്റ്റേഷൻ ഓഫിസർ പനോത്ത് അജിത് കുമാർ, എ. ഷജിൽ കുമാർ, കെ. ശിവദാസൻ, വിപിൻ, എം.ടി. ഷാജി. എസ്.ബി. സജിത്ത്, ഷൈബിൻ, മകേഷ്, രാജേഷ് എന്നിവരുടെ നേതൃത്വത്തിലായിരുന്നു കിണറുകൾ വൃത്തിയാക്കിയത്. വരും ദിവസങ്ങളിലും പ്രവൃത്തി തുടരാനാണ് തീരുമാനം.