ക്വാറി മാലിന്യം തോട്ടിലേക്ക്​ തള്ളുന്നു

മുക്കം: കാരശ്ശേരി പഞ്ചായത്തിലെ പാറത്തോട് ഭാഗത്തെ ക്വാറി- ക്രഷർ-എം.സാൻഡ് യൂനിറ്റുകളിൽനിന്ന് മാലിന്യം പന്നിമുക്ക് തോട്ടിലേക്ക് തള്ളുന്നതായി പരാതി. മലവെള്ളപ്പാച്ചിലിൽ മാലിന്യം പന്നിമുക്ക്, ആക്കോട്ടുചാൽ, ആനയാംകുന്ന്, മാന്ദ്ര പ്രദേശങ്ങളിലൂടെ ഒഴുകി കൃഷിയിടങ്ങളിൽ അടിഞ്ഞുകൂടുകയാണ്. ഇത് കൃഷിനാശത്തിനും കാരണമാകുന്നു. ക്വാറികൾ മാലിന്യം തള്ളുന്നതുമായി ബന്ധപ്പെട്ട് കാരശ്ശേരി ഗ്രാമപഞ്ചായത്തി​െൻറ അടിയന്തര ഇടപെടൽ ഉണ്ടാകണമെന്ന് നാട്ടുകാർ ആവശ്യപ്പെട്ടു.