Begin typing your search above and press return to search.
exit_to_app
exit_to_app
Posted On
date_range 11 Aug 2018 5:50 AM GMT Updated On
date_range 11 Aug 2018 5:50 AM GMTമഴ തുടരുന്നു: മലയോര മേഖല ആശങ്കയിൽ
text_fieldsbookmark_border
ഈങ്ങാപ്പുഴ: ഉരുൾപൊട്ടൽ ദുരിതം വിതച്ച പുതുപ്പാടി പഞ്ചായത്തിലെ കണ്ണപ്പൻകുണ്ട്, മട്ടിക്കുന്ന് പ്രദേശങ്ങളിൽ കനത്തമഴ തുടരുന്നത് ആശങ്ക പടർത്തുന്നു. കഴിഞ്ഞദിവസം വനത്തിലുണ്ടായ ഉരുൾപൊട്ടലിൽ ഈ പ്രദേശങ്ങളിലെ 40 വീടുകളാണ് വാസയോഗ്യമല്ലാതായി തീർന്നത്. മൂന്നാം ദിവസവും മഴയുടെ ശക്തി കുറയാത്തത് ജനങ്ങളെ ആശങ്കയിലാഴ്ത്തുന്നുണ്ട്. മലവെള്ളത്തിെൻറ കുത്തൊഴുക്ക് കൂടുതൽ ശക്തി പ്രാപിച്ചു വരുന്നത് ദുരന്തത്തിെൻറ വ്യാപ്തി വർധിപ്പിക്കുമെന്ന ഭീതിയും നിലനിൽക്കുന്നുണ്ട്. മൈലള്ളാംപാറ സെൻറ് ജോസഫ് സ്കൂളിലെ ദുരിതാശ്വാസ ക്യാമ്പിൽ 85 കുടുംബങ്ങളിലായി 246 പേരും മണൽവയൽ എൽ.പി സ്കൂളിൽ 24 കുടുംബങ്ങളിലെ 76 പേരുമാണുള്ളത്. വിവിധ സന്നദ്ധ സംഘടനകൾ ഇവർക്ക് വസ്ത്രങ്ങൾ എത്തിച്ചുനൽകിയിട്ടുണ്ട്. പുഴ രണ്ടായി തിരിഞ്ഞ മട്ടിക്കുന്ന് കണ്ണപ്പൻകുണ്ട് പാലങ്ങളിൽ അടിഞ്ഞുകൂടിയ മരങ്ങളും മറ്റും ദേശീയ ദുരന്തനിവാരണ സേന നീക്കം ചെയ്യുന്നുണ്ട്. തകരാറിലായ വൈദ്യുതി വിതരണം പുനഃസ്ഥാപിക്കാൻ കെ.എസ്.ഇ.ബി ജീവനക്കാരും രംഗത്തുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story