പ്രതിഷേധിച്ച​ു

നന്തിബസാർ: നികുതിദായകരെ നിർബന്ധമായി ഓൺലൈൻ കേന്ദ്രങ്ങളിലേക്കയക്കുന്നതിന് വിലക്കേർപ്പെടുത്തി ലാൻഡ് റവന്യൂ കമീഷണർ പുറപ്പെടുവിച്ച സർക്കുലർ അവഗണിച്ച് മൂടാടി വില്ലേജ് ഓഫിസിൽനിന്ന് നികുതിദായകരെ അക്ഷയകേന്ദ്രത്തിലേക്കയക്കുന്നതിൽ പ്രതിഷേധം ശക്തമായി. സംഭവത്തിൽ പരാതി കൊടുക്കാനൊരുങ്ങുകയാണ് ഗുണഭോക്താക്കൾ. മൂടാടി വില്ലേജ് ഓഫിസ് സ്ഥലംമാറ്റരുത്‌ -ലീഗ് നന്തിബസാർ: മൂടാടി വില്ലേജ് ഓഫിസ് നന്തിയിൽനിന്നു സ്ഥലം മാറ്റരുതെന്ന് നന്തി ടൗൺ ലീഗ് കമ്മിറ്റി ആവശ്യപ്പെട്ടു. സ്ഥലംമാറ്റാനുള്ള ശ്രമങ്ങൾക്കെതിരെ കലക്ടർക്കും തഹസിൽദാർക്കും പരാതി നൽകാൻ കെ. അബൂബക്കറി​െൻറ അധ്യക്ഷതയിൽ ചേർന്ന കമ്മിറ്റി യോഗം തീരുമാനിച്ചു. റാഫി ദാരിമി, പി.പി. കരീം, മുസ്തഫ അമാന, കുഞ്ഞബ്ദുല്ല മർഹബ, കൊളറാട്ടിൽ റഷീദ്, പി.എൻ.കെ. കാസിം എന്നിവർ സംസാരിച്ചു. ചെർക്കളം അബ്ദുല്ല, പുത്തൂർ അസീസ് എന്നിവരുടെ നിര്യാണത്തിൽ അനുശോചിച്ചു.