പൊലീസ് ജീപ്പിനുനേരെ കല്ലേറ്

കുറ്റ്യാടി: യുവാവിനെ മർദിച്ച കേസിലെ പ്രതിയെ കസ്റ്റഡിയിലെടുക്കുന്നതിനിടെ പൊലീസ് ജീപ്പിന് കല്ലേറ്. പുറമേരി വിലാതപുരം സനലിനെ മർദിച്ച കേസിൽ മൊകേരി കടത്തനാടൻ കല്ലിലെ തോട്ടത്ത് താഴക്കുനി സുനേഷിനെ കസ്റ്റഡിയിൽ എടുക്കുന്നതിനിടെയാണ് കുറ്റ്യാടി പൊലീസി​െൻറ ഫ്ലയിങ് സ്ക്വാഡ് ജീപ്പിന് കല്ലെറിഞ്ഞത്. കല്ലേറിൽ ചില്ല് തകർന്നു. സംഭവത്തിൽ കണ്ടാലറിയാവുന്ന 25ഒാളം പേർക്കെതിരെ പൊതുമുതൽ നശിപ്പിച്ചതിന് കുറ്റ്യാടി പൊലീസ് കേസെടുത്തു. സുനേഷ് കടത്തനാടൻകല്ലിലെ ബന്ധുവീട്ടിൽ ഒളിവിൽ കഴിയുകയായിരുന്നു. വിവരം അറിഞ്ഞ് കുറ്റ്യാടി അഡീഷനൽ എസ്.ഐ രവീന്ദ്ര​െൻറ നേതൃത്വത്തിലാണ് പൊലീസെത്തിയത്. സുനീഷിനെ ജീപ്പിനകത്തേക്ക് കയറ്റുന്നതിനിടയിലാണ് കല്ലേറുണ്ടായത്.