നാല് കാലുമായി കോഴിക്കുഞ്ഞ്

ഏറ്റുമാനൂർ: അദ്ഭുതമായി നാല് കാലുള്ള കോഴിക്കുഞ്ഞ്. വെട്ടിമുകൾ കല്ലുകീറുംതടത്തിൽ റോയിയുടെ കോഴിഫാമിലാണ് അദ്ഭുത കോഴിക്കുഞ്ഞിനെ കണ്ടെത്തിയത്. കോഴിക്കോട്ടുനിന്ന് 10 ദിവസം പ്രായമായ 1000 ബ്രോയിലർ കോഴിക്കുഞ്ഞുങ്ങളെ ഒരാഴ്ച മുമ്പ് ഫാമിൽ എത്തിച്ചിരുന്നു. അയൽവാസിയായ രാജേഷാണ് ഇതിൽ ഒരു കോഴിക്കുഞ്ഞി​െൻറ നടത്തത്തിലുള്ള വ്യത്യാസം തിരിച്ചറിഞ്ഞത്. തുടർന്നുള്ള പരിശോധനയിലാണ് കോഴിക്കുഞ്ഞിലെ അദ്ഭുതപ്രതിഭാസം കണ്ടെത്തിയത്. വരദാനമായി കിട്ടിയ കോഴിക്കുഞ്ഞിനെ പ്രത്യേക ശ്രദ്ധ നൽകി വളർത്താനാണ് റോയിയുടെ തീരുമാനം.