വഴിയോരത്ത് മാലിന്യം തള്ളൽ വ്യാപകമാകുന്നു

ഈരാറ്റുപേട്ട: ഈരാറ്റുപേട്ട-കാത്തിരപ്പള്ളി റൂട്ടില്‍ സി.സി.എം പമ്പിന് സമീപം രാത്രി മാലിന്യം വാഹനങ്ങളില്‍ കൊണ്ടുവന്ന് തള്ളുന്നു. ഈ ഭാഗത്ത് തെരുവുനായ് ശല്യവും വര്‍ധിച്ചുവരുന്നുണ്ട്. മാലിന്യം ഭക്ഷിക്കാന്‍ എത്തുന്ന നായ്ക്കൂട്ടം ചാക്കുകെട്ടുകള്‍ റോഡിലേക്ക് വലിച്ചുനിരത്തുന്നു. ദുര്‍ഗന്ധം മൂലം പ്രദേശത്തെ വ്യാപാരികളാണ് കൂടുതല്‍ ബുദ്ധിമുട്ടുന്നത്.