വി.ടി. ബൽറാം പരസ്യമായി മാപ്പുപറയണം -^കെ.എസ്​.വൈ.എഫ്​

വി.ടി. ബൽറാം പരസ്യമായി മാപ്പുപറയണം --കെ.എസ്.വൈ.എഫ് തൊടുപുഴ: കേരളം കണ്ട ഏറ്റവും വലിയ ജനകീയ നേതാവായ എ.കെ.ജിയെ പരസ്യമായി ആക്ഷേപിച്ച വി.ടി. ബൽറാം പ്രസ്താവന പിൻവലിച്ച് പരസ്യമായി മാപ്പ് പറയണമെന്ന് സി.എം.പി യുവജന സംഘടന കെ.എസ്.വൈ.എഫ് സംസ്ഥാന ജനറൽ സെക്രട്ടറി കെ.എ. കുര്യൻ ആവശ്യപ്പെട്ടു. രാഷ്ട്രീയ അജ്ഞതകൊണ്ടാണ് ഇത്തരം പ്രസ്താവനകൾ ബൽറാം നടത്തുന്നത്. പാവപ്പെട്ടവർക്ക് വേണ്ടിയാണ് എ.കെ.ജി പ്രവർത്തിച്ചത്. കെ.എസ്.വൈ.എഫ് സംസ്ഥാന ഭാരവാഹികൾ ബൽറാമിനെ നേരിൽകണ്ട് പ്രസ്താവന പിൻവലിക്കാൻ അഭ്യർഥിക്കുമെന്ന് കെ.എ. കുര്യൻ അറിയിച്ചു.