പുള്ളിപ്പുലി പൂച്ച വാഹനം തട്ടി ചത്തനിലയിൽ

കുമളി: പെരിയാർ വന്യജീവി സങ്കേതത്തിൽനിന്ന് പുറത്തിറങ്ങിയ പുള്ളിപ്പുലി പൂച്ച (ലെപ്പേഡ് ക്യാറ്റ്) വാഹനം തട്ടി ചത്തനിലയിൽ. ദേശീയപാതയിൽ അറുപത്തിരണ്ടാം മൈലിന് സമീപമാണ് പുള്ളിപ്പുലി പൂച്ചയുടെ ജഡം കണ്ടെത്തിയത്. വാഹനം കയറി ചതഞ്ഞ നിലയിലായിരുന്നു. വനമേഖലയിൽനിന്ന് ഈ ഭാഗത്തെ കൃഷിയിടങ്ങളിലും ജനവാസകേന്ദ്രങ്ങളിലുമെത്തി ഇരതേടുന്ന പുള്ളിപ്പുലി പൂച്ചകളും മറ്റു ജീവികളും രാത്രിയാണ് റോഡ് മുറിച്ചുകടക്കുന്നത്. ഒരു വയസ്സുള്ള പെൺ പൂച്ചയാണ് ചത്തത്. കുമളി റേഞ്ച് ഓഫിസർ പ്രിയ ടി. ജോസഫി​െൻറ നേതൃത്വത്തിൽ നടപടി പൂർത്തിയാക്കി സംസ്കരിച്ചു.