കെ.എം.എം.എല്ലിൽ ഓക്സിജൻ പ്ലാൻറ് മാർച്ചിൽ പൂർത്തിയാകും
text_fieldsചവറ: കെ.എം.എം.എല്ലിൽ 50 കോടി രൂപ െചലവിൽ നിർമിക്കുന്ന പൂർണമായും ഓട്ടോമാറ്റിക് സംവിധ ാനത്തിലുള്ള ഓക്സിജൻ പ്ലാൻറ് മാർച്ചിൽ പൂർത്തിയാകും. പുതിയ പ്ലാൻറ് പ്രവർത്തന സജ്ജമ ാകുന്നതോടെ 99.5 ശതമാനം ശുദ്ധമായ ഓക്സിജൻ ഉൽപാദിപ്പിക്കാൻ കെ.എം.എം.എല്ലിന് കഴിയും. ഓക്സിജൻ പ്ലാൻറിനുള്ള കൺട്രോൾ റൂം, എയർ കംപ്രസർ, കോൾ കോൾഡ് ബോക്സ്, എയർ ശുദ്ധീകരണ സംവിധാനം, പൈപ്പ് ലൈനുകളുടെയും കേബിൾ സംവിധാനങ്ങളുടെയും നിർമാണം എന്നിവ പൂർത്തീകരിച്ചു.
20 ശതമാനത്തോളം ഓക്സിജൻ സർക്കാർ ആശുപത്രികളുടെ ഉപയോഗത്തിന് നൽകാൻ കഴിയുമെന്ന് കെ.എം.എം.എൽ എം.ഡി ജെ. ചന്ദ്രബോസ് പറഞ്ഞു. പുതിയ പ്ലാൻറിൽ ഉൽപാദനം തുടങ്ങുന്നതോടെ പുറത്തുനിന്ന് ഓക്സിജൻ വിലയ്ക്ക് വാങ്ങുന്നത് നിർത്തലാക്കാനും കഴിയും. ഇതുവഴി പത്ത് കോടി രൂപയുടെ ലാഭമാണ് കമ്പനി ലക്ഷ്യമിടുന്നത്. പുതിയ ഓക്സിജൻ പ്ലാൻറ് വരുന്നതോടെ വൈദ്യുതി ഉപയോഗവും കുറയും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.