വാലുപച്ചയിൽ തടിമില്ലിൽ തീപിടിത്തം
text_fieldsകടയ്ക്കൽ: മുക്കുന്നം വാലുപച്ചയിൽ തടിമില്ലിൽ വൻ തീപിടിത്തം. യന്ത്രങ്ങളും തടിയും തടി ഉ രുപ്പടികളും ഉൾപ്പെടെ പൂർണമായി കത്തി നശിച്ചു. ചൊവ്വാഴ്ച വൈകീട്ട് 4.30നായിരുന്നു സംഭവം. മുക്കുന്നം മന്നാനിയ്യ നഗറിന് സമീപമുള്ള സലാമിയ തടിമില്ലാണ് കത്തിനശിച്ചത്. വാലുപച്ച കെ.പി. ഹൗസിൽ മുഹമ്മദ് യൂസുഫ് എന്ന യൂസുഫുൽ ഹാദിയുടെ ഉടമസ്ഥതയിൽ 33 വർഷത്തിലേറെയായി പ്രവർത്തിക്കുന്ന മില്ലാണിത്. വൈകീട്ട് 3.30ന് തൊഴിലാളികൾ ജോലി കഴിഞ്ഞ് മടങ്ങി ഒരു മണിക്കൂറിന് ശേഷമാണ് തീപിടിത്തമുണ്ടായത്. ശക്തമായ കാറ്റിനെ തുടർന്ന് പെട്ടെന്ന് പടർന്ന് പിടിക്കുകയായിരുന്നു.
തടി അറുക്കുന്നത് കൂടാതെ ഉരുപ്പടികളാക്കുന്നതിനുള്ള ആധുനിക യന്ത്രസാമഗ്രികൾ ഉൾപ്പെടെ കത്തി നശിച്ചു. കടയ്ക്കൽ അഗ്നിശമന നിലയത്തിലെ രണ്ട് യൂനിറ്റുകളും ഈ സമയം സ്ഥലത്തുണ്ടായിരുന്നില്ല. ഒരു മണിക്കൂറിന് ശേഷം വെഞ്ഞാറമൂട്ടിൽനിന്ന് അഗ്നിശമന സേന എത്തി. ഇതിനൊപ്പം കടയ്ക്കൽ നിന്നുള്ള യൂനിറ്റും എത്തിയാണ് തീ കെടുത്തിയത്. 25 ലക്ഷം രൂപയുടെ നഷ്ടമുണ്ടായതായി കണക്കാക്കുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.