Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightലോറിയിൽനിന്ന്​ പണം...

ലോറിയിൽനിന്ന്​ പണം കവർന്ന കേസിൽ പ്രതി പിടിയിൽ

text_fields
bookmark_border
ലോറിയിൽനിന്ന്​ പണം കവർന്ന  കേസിൽ പ്രതി പിടിയിൽ
cancel
camera_alt?????????

കാലടി: മിനിലോറിയിൽനിന്ന്​ പണം കവർന്ന കേസിൽ പ്രതി പിടിയിൽ. അസം സ്വദേശി മണ്ഡുപുകനാണ്​ (33) കാലടി പൊലീസി​െൻറ പിട ിയിലായത്. മറ്റൊരു പ്രതിയായ തിൻകണ്ഡറിനെ പൊലീസ് തിരയുന്നു. ജൂൺ മൂന്നിന് രാത്രിയിലാണ് പണം കവർന്നത്. കോടനാട് ചെട്ടിനടയിലുള്ള ചിറ്റോപറമ്പൻ സിജോയുടെ മിനി ലോറിയുടെ ഡാഷ് ബോർഡിൽ നിന്നാണ് ഒന്നരലക്ഷം രൂപ കവർന്നത്. സിജോ കോഴി വിൽപനക്ക്​ വാങ്ങിയ മിനിലോറിയിലെ ജോലിക്കാരാണ് പ്രതികൾ. ആലുവ, പറവൂർ, വരാപ്പുഴ ഭാഗങ്ങളിലെ കടകളിൽ കോഴികളെ ഇറക്കിയശേഷം ലഭിച്ച പണം ഡാഷ് ബോർഡിൽ വച്ച് സിജോ പൂട്ടിയിരുന്നു.

കോഴികളെ ഇറക്കി തിരിച്ചുവരുന്ന വഴിയിൽ നീലീശ്വരം ജങ്​ഷനിലെ കടക്ക്​ സമീപം ലോറി പാർക്ക് ചെയ്ത് ചായ കുടിക്കാൻ പോയ സമയം മണ്ഡുപുകൻ ഡാഷ് ബോർഡ് കുത്തിത്തുറന്ന് പണം കവർന്നു. തിൻകണ്ഡറിനെ ഫോണിൽ വിളിച്ചറിയിച്ചശേഷം ഇരുവരും പണവുമായി കടന്നു കളഞ്ഞു. മൊബൈൽ ഫോൺ സ്വിച്ച് ഓഫ് ചെയ്ത് നാട്ടിലേക്ക് കടന്ന പ്രതികൾ തിരിച്ച്​ കേരളത്തിലെത്തി. ഇതിനിടയിൽ മണ്ഡുപുകൻ ഫോൺ ഓൺ ചെയ്തതോടെയാണ്​ ഇവർ കുടുങ്ങിയത്​. സൈബർസെൽ മുഖേന ലൊക്കേഷൻ മനസ്സിലാക്കി പൊയ്​ക്കാട്ടുശ്ശേരിയിൽനിന്ന്​ പ്രതിയെ പിടികൂടുകയായിരുന്നു. സി.ഐ ടി.ആർ. സന്തോഷ്കുമാർ, എസ്​.ഐ റിൻസ് എം. തോമസ്, എ.എസ്​.ഐ സുരേഷ്, രാജേന്ദ്രൻ, ഷിജു എന്നിവരടങ്ങുന്ന സംഘമാണ് പ്രതിയെ പിടികൂടിയത്. പെരുമ്പാവൂർ കോടതിയിൽ ഹാജരാക്കി റിമാൻഡ് ചെയ്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:LOCAL NEWS
News Summary - local news
Next Story