റ​വ​ന്യൂ വ​കു​പ്പി​െൻറ സ്ഥലം കാടുകയറി നശിക്കുന്നു

പെ​രു​മ്പാ​വൂ​ര്‍: താ​ലൂ​ക്ക്​ ഓ​ഫി​സ് പ്ര​വ​ര്‍ത്തി​ച്ചി​രു​ന്ന കെ​ട്ടി​ടം പൊ​ളി​ച്ചു​നീ​ക്കി​യ​തി​ന് സ​മീ​പ​ത്തെ സ്ഥ​ലം കാ​ടു​ക​യ​റി ന​ശി​ക്കു​ന്നു. കോ​ട​തി സ​മു​ച്ച​യ​ത്തി​​െൻറ പ​ടി​ഞ്ഞാ​റു​ഭാ​ഗ​മാ​ണ് കാ​ട ു​ക​യ​റി​യ​ത്. ഇ​ഴ​ജ​ന്തു​ക്ക​ളു​ടെ​യും തെ​ര​വു​നാ​യ്ക്ക​ളു​ടെ​യും വി​ഹാ​ര​കേ​ന്ദ്ര​മാ​യി മാ​റി​യി​ട്ടും വെ​ട്ടി​വെ​ളി​പ്പി​ക്കാ​ന്‍ ഉ​ത്ത​ര​വാ​ദ​പ്പെ​ട്ട​വ​ര്‍ ത​യാ​റാ​കു​ന്നി​ല്ലെ​ന്ന് ആ​ക്ഷേ​പ​മു​ണ്ട്. റ​വ​ന്യൂ വ​കു​പ്പി​​െൻറ കീ​ഴി​ലു​ള്ള സ്ഥ​ല​ത്ത് ര​ണ്ട് പ​ഴ​യ കെ​ട്ടി​ട​ങ്ങ​ളു​ണ്ട്. ഇ​തു​സം​ബ​ന്ധി​ച്ച് പൊ​തു​പ്ര​വ​ര്‍ത്ത​ക​ന്‍ എം.​ബി. ഹം​സ റ​വ​ന്യൂ​മ​ന്ത്രി​ക്ക് ന​ല്‍കി​യ നി​വേ​ദ​ന​ത്തെ​തു​ട​ര്‍ന്ന് ജി​ല്ല ക​ല​ക്ട​റോ​ട് മ​ന്ത്രി റി​പ്പോ​ര്‍ട്ട് തേ​ടി​യി​രു​ന്നു. 30 ദി​വ​സ​ത്തി​ന​കം പ​രി​ശോ​ധ​ന ന​ട​ത്തി ന​ട​പ​ടി​യെ​ടു​ക്കാ​നും മ​ന്ത്രി നി​ർ​ദേ​ശി​ച്ചു. എ​ന്നാ​ല്‍, ഇ​തു​വ​രെ പ​രി​ശോ​ധ​ന​യും ന​ട​പ​ടി​യു​മു​ണ്ടാ​യി​ട്ടി​ല്ല. സ്ഥ​ല​ത്തി​​െൻറ ഒ​രു​ഭാ​ഗ​ത്ത് പൊ​ലീ​സ് പി​ടി​കൂ​ടു​ന്ന ചെ​റി​യ വാ​ഹ​ന​ങ്ങ​ള്‍ സൂ​ക്ഷി​ച്ചി​രു​ന്നു.

രാ​ത്രി​കാ​ല​ങ്ങ​ളി​ല്‍ ന​ഗ​ര​ത്തി​ല്‍ അ​ല​യു​ന്ന​വ​ര്‍ ശൗ​ചാ​ല​യ​മാ​യും സ്ഥ​ലം ഉ​പ​യോ​ഗി​ക്കു​ന്നു. 100 വ​ര്‍ഷ​ത്തി​ലേ​റെ പ​ഴ​ക്ക​മു​ള്ള കോ​ട​തി​ക​ളും പൊ​ലീ​സ് സ്‌​റ്റേ​ഷ​നും താ​ലൂ​ക്ക്​ ഓ​ഫി​സും എ.​ഇ ഓ​ഫി​സും പ്ര​വ​ര്‍ത്തി​ച്ചി​രു​ന്ന ന​ഗ​ര​ത്തി​ലെ ക​ണ്ണാ​യ സ്ഥ​ല​മാ​ണ് ക​ച്ചേ​രി​ക്കു​ന്ന്. വിവിധ ഭാ​ഗ​ങ്ങ​ളി​ലേ​ക്കു​ള്ള ബ​സു​ക​ള്‍ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ള്‍ പോ​കു​ന്ന വ​ൺ​വേ റോ​ഡും ഏ​താ​നും വ​ര്‍ഷ​ങ്ങ​ള്‍ക്കു​മു​മ്പ്​ നി​ര്‍മി​ച്ച ക​ച്ചേ​രി​ക്കു​ന്ന് റോ​ഡും സ്ഥ​ല​ത്തി​​െൻറ അ​തി​ര്‍ത്തി​ക​ളാ​ണ്. കോ​ടി​ക​ള്‍ ചെ​ല​വ​ഴി​ച്ച് നി​ര്‍മി​ച്ച പു​തി​യ കോ​ട​തി​സ​മു​ച്ചം കാ​ണാ​ന്‍ സാ​ധി​ക്കാ​ത്ത സ്ഥി​തി​യി​ലാ​ണ് ജീ​ര്‍ണി​ച്ച കെ​ട്ടി​ട​ങ്ങ​ളും പാ​ഴ്മ​ര​ങ്ങ​ളും സ്ഥി​തി​ചെ​യ്യു​ന്ന​ത്. പൊ​ലീ​സ് സ്​​റ്റേ​ഷ​നും വാ​ട്ട​ര്‍ അ​തോ​റി​റ്റി ഓ​ഫി​സും സ്ഥ​ല​ത്തി​​െൻറ തെ​ക്ക് അ​തി​ര്‍ത്തി​യി​ലാ​ണ്. കാ​ട് വെ​ട്ടി​ത്തെ​ളി​ച്ചാ​ല്‍ മ​റ്റ് സ​ര്‍ക്കാ​ര്‍ സം​രം​ഭ​ങ്ങ​ള്‍ ആ​രം​ഭി​ക്കും​വ​രെ വി​വി​ധ ആ​വ​ശ്യ​ങ്ങ​ള്‍ക്ക് ഓ​ഫി​സു​ക​ളി​ലെ​ത്തു​ന്ന​വ​രു​ടെ ചെ​റു​വാ​ഹ​ന​ങ്ങ​ള്‍ പാ​ര്‍ക്ക് ചെ​യ്യാ​ന്‍ ഉ​പ​ക​രി​ക്കും. അ​ധി​കൃ​ത​ര്‍ പ​രി​ശോ​ധ​ന ന​ട​ത്തി ന​ട​പ​ടി​യെ​ടു​ക്ക​ണ​മെ​ന്ന ആ​വ​ശ്യ​മാ​ണു​യ​രു​ന്ന​ത്.