വിദ്യാർഥികളെ കാണാനി​ല്ലെന്ന്​ പരാതി

ആലപ്പുഴ: നഗരത്തിലെ സ്വകാര്യ സ‌്കൂളിലെ രണ്ട‌് പത്താംക്ലാസ‌് വിദ്യാർഥികളെ കാണാനില്ലെന്ന‌് പരാതി. ശനിയാഴ‌്ച രാ വിലെ ട്യൂഷനെന്നുപറഞ്ഞ‌് വീട്ടിൽനിന്ന് പോയ ആൺകുട്ടികൾ തിരികെയെത്തിയില്ലെന്ന‌ുകാണിച്ച‌് രക്ഷിതാക്കൾ നോർത്ത് പൊലീസ‌ിൽ പരാതി നൽകി. സ‌്കൂളിലെ അർധവാർഷിക പരീക്ഷഫലം സംബന്ധിച്ച‌് ശനിയാഴ‌്ച അധ്യാപക-രക്ഷാകർതൃ യോഗം വിളിച്ചിരുന്നു. കണക്കുപരീക്ഷക്ക‌് ഒരുകുട്ടിക്ക‌് മാർക്ക‌് കുറവായിരുന്നുവെന്ന‌് പറയുന്നു. ട്യൂഷനുശേഷം വീട്ടിലെത്തുന്ന കുട്ടികളുമായി യോഗത്തിനുപോകാൻ തയാറെടുത്തിരുന്ന രക്ഷിതാക്കൾ പതിവുസമയം കഴിഞ്ഞിട്ടും കുട്ടികളെ കാണാതെ വന്നതോടെയാണ‌് അന്വേഷണം ആരംഭിച്ചത‌്. അന്വേഷണത്തിൽ ഇരുവരും ട്യൂഷൻ സ​െൻററിൽ എത്തിയിട്ടില്ലെന്ന‌് വ്യക്തമായി. തുടർന്ന‌് പൊലീസ‌ിൽ പരാതി നൽകുകയായിരുന്നു. രക്ഷിതാക്കളുടെ ഫോണിൽനിന്ന‌് കുട്ടികൾ മൂകാംബിക യാത്ര സംബന്ധിച്ച‌് വാട‌്സാപ്പിൽ ചർച്ചചെയ‌്തതായും പേടിഎം ആപ് ഉപയോഗിച്ച‌് മൂകാംബികക്ക‌് ടിക്കറ്റ‌് ബുക് ചെയ‌്തതായും കണ്ടെത്തിയിട്ടുണ്ട‌്. അന്വേഷണം ആരംഭിച്ചതായി നോർത്ത് സി.ഐ ഇ.കെ. സോൾജിമോൻ പറഞ്ഞു.