Begin typing your search above and press return to search.
exit_to_app
exit_to_app
Posted On
date_range 13 March 2018 5:26 AM GMT Updated On
date_range 13 March 2018 5:26 AM GMTയു.എ.ഇ വായ്പ തട്ടിപ്പ്: എൻഫോഴ്സ്മെൻറ് വിവരങ്ങൾ ശേഖരിച്ചു
text_fieldsbookmark_border
കൊച്ചി: യു.എ.ഇയിൽ വ്യാജ രേഖകൾ നൽകി ബിസിനസ് ആവശ്യത്തിന് മാത്രമായി ഉപയോഗിക്കാവുന്ന മാസ്റ്റർ ക്രെഡിറ്റ് ഫെസിലിറ്റിയിലൂടെ വായ്പ തട്ടിപ്പ് നടത്തിയവർക്കെതിരെ കേന്ദ്ര ഇൻറലിജൻസും എൻഫോഴ്സ്മെൻറ് ഉദ്യോഗസ്ഥരും അന്വേഷണം ആരംഭിച്ചു. ഇതോടെ, യു.എ.ഇയിലെ ബാങ്കുകളുടെ പവർ ഓഫ് അേറ്റാർണിയായ എക്സ്ട്രീം ഇൻറർനാഷനൽ മാനേജ്മെൻറ് കൺസൽട്ടസൻസി രജിസ്റ്റർ ചെയ്ത 48 ക്രിമിനൽ കേസുകളുടെ അന്വേഷണം വഴിത്തിരിവിലെത്തി. ഇൗ കേസുകളിലെ പ്രതികളിൽ മിക്കവരും യു.എ.ഇയിൽനിന്ന് മുങ്ങി ഇന്ത്യയിലെത്തിയ സാഹചര്യത്തിലാണ് കൂടുതൽ അന്വേഷണത്തിനായി കേന്ദ്ര ഇൻറലിജൻസ് ഉദ്യോഗസ്ഥർ എക്സ്ട്രീം ഇൻറർനാഷനലിെൻറ കൊച്ചിയിലെ ഓഫിസിലെത്തി രേഖകൾ ശേഖരിച്ചത്. എറണാകുളം സെൻട്രൽ സ്റ്റേഷനിൽ രജിസ്റ്റർ ചെയ്ത 48 എഫ്.െഎ.ആറുകളും പ്രതികളുടെ വിവരങ്ങളും എൻഫോഴ്സ്മെൻറ് ഡയറക്ടറേറ്റ് ഉദ്യോഗസ്ഥർ ശേഖരിച്ചു. ഇത്തരം തട്ടിപ്പുകാർക്കെതിരെ എല്ലാ പഴുതുകളുമടച്ച് നടപടികളുമായി മുന്നോട്ട് പോകാനാണ് എക്സ്ട്രീം ഇൻറർനാഷനൽ മാനേജ്മെൻറ് കൺസൽട്ടൻസിയുടെ തീരുമാനമെന്ന് സി.ഇ.ഒ പ്രിൻസ് സുബ്രഹ്മണ്യം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story