Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightകോപ്​ടറിൽ തൂങ്ങി...

കോപ്​ടറിൽ തൂങ്ങി രക്ഷപ്പെടൽ; പിന്നാലെ പ്രസവം

text_fields
bookmark_border
കൊച്ചി: കാലടിയിൽ നാവികസേന സാഹസികമായി രക്ഷപ്പെടുത്തിയ യുവതി പ്രസവിച്ചു. ചെങ്ങമനാട് കളത്തിങ്കല്‍ വീട്ടിൽ സാജിത ജാബീലാണ് (25) പ്രളയത്തെ അതിജീവിച്ച് ആൺകുഞ്ഞിന് ജന്മം നൽകിയത്. രണ്ടുദിവസത്തോളം ചൊവ്വര റെയിൽേവ സ്റ്റേഷനുസമീപത്തെ ഹിദായത്തുൽ ഇസ്ലാം മസ്ജിദ് കെട്ടിടത്തിന് മുകളിൽ കുടുങ്ങിക്കിടക്കുകയായിരുന്നു. വെള്ളിയാഴ്ച രാവിലെ 11 ഒാടെയാണ് നാവികസേന ഹെലികോപ്ടറിൽ സാജിതയെ അതിശ്രദ്ധയോടെ സാഹസികമായി രക്ഷപ്പെടുത്തിയത്. രക്ഷപ്പെടുത്തുന്ന സമയത്ത് സാജിതക്ക് പ്രസവവേദന ആരംഭിച്ചിരുന്നു. കൊച്ചിയിലെ നാവികസേന ആശുപത്രിയിലെത്തിച്ചു. ഉച്ചക്ക് രേണ്ടാടെ ആൺകുഞ്ഞിന് ജന്മം നൽകി. സാജിതയുടെ മനസ്സാന്നിധ്യമാണ് രക്ഷപ്പെടുത്തൽ എളുപ്പമാക്കിയതെന്നാണ് സേന അംഗങ്ങൾ പറയുന്നത്. അതിജീവനത്തി‍​െൻറ സന്ദേശമായി weshallovercome എന്ന ഹാഷ് ടാഗോടെ സാജിതയുടെയും കുഞ്ഞി‍​െൻറയും ചിത്രം സമൂഹമാധ്യമങ്ങളില്‍ വൈറലാവുകയാണ്. കഴിഞ്ഞദിവസങ്ങളിൽ പലയിടത്തും ഗർഭിണികളും കൈക്കുഞ്ഞുങ്ങളടക്കം നൂറുകണക്കിനുപേരാണ് കുടുങ്ങിയത്. ഗർഭിണികളിൽ പലരും പ്രസവതീയതി അടുത്തവരാണ്. വെള്ളംപോലും കിട്ടാതെ പലരും തളർന്ന അവസ്ഥയിലായിരുന്നു. കാലടി സർവകലാശാലയിൽ വെള്ളം പൊങ്ങിയതിനെത്തുടർന്ന് അകപ്പെട്ടവരിലും ഗർഭിണികളുണ്ടായിരുന്നു. വെള്ളിയാഴ്ച രാവിലെയാണ് ഇവിടെ നേവിയുടെ ഹെലികോപ്ടറെത്തി കുടിവെള്ളംതന്നെ വിതരണം ചെയ്തത്. ഹെലികോപ്ടറിൽ രക്ഷപ്പെടുത്തുന്നവരെ നേവി ആസ്ഥാനത്ത് എത്തിച്ചശേഷമാണ് ആശുപത്രിയിലേക്കും ക്യാമ്പുകളിലേക്കും മാറ്റുന്നത്.
Show Full Article
TAGS:LOCAL NEWS 
Next Story