യാത്രക്കാരിയും വനിത മാ​േനജറും വിമാനത്താവളത്തിൽ പൊരിഞ്ഞ അടി

ന്യൂഡൽഹി: യാത്രക്കാരിയും എയർ ഇന്ത്യ ഡ്യൂട്ടി മാനേജറും വിമാനത്താവളത്തിൽ െപാരിഞ്ഞ അടി. ഇന്ദിര ഗാന്ധി അന്താരാഷ്്ട്ര വിമാനത്താവളത്തിൽ വൈകിയെത്തിയതിനെതുടർന്ന് ബോർഡിങ് നിരസിച്ചപ്പോഴാണ് അഹ്മദാബാദ് സ്വദേശിനി ക്രുദ്ധയായി വനിത മാേനജർക്കുനേരെ തിരിഞ്ഞത്. വൈകിയതുമൂലം ചെക്ക്-ഇൻ ചെയ്യാനാകില്ലെന്ന് ജീവനക്കാർ യാത്രക്കാരിയെ അറിയിച്ചു. ഇതേതുടർന്ന് രോഷാകുലയായ ഇവരെ ഡ്യൂട്ടി മാനേജർക്കരികിേലക്ക് കൊണ്ടുപോയി. തർക്കം മൂത്ത് യാത്രക്കാരി മാനേജറുടെ മുഖത്തടിച്ചപ്പോൾ മാനേജർ തിരിച്ചടിച്ചതായി വിമാനത്താവളം ഡി.സി.പി സഞ്ജയ് ഭാട്ടിയ പറഞ്ഞു. പൊലീസ് എത്തിയാണ് ഇരുവരെയും ശാന്തരാക്കിയത്. തുടർന്ന് പരസ്പരം ഖേദം പ്രകടിപ്പിച്ചു.