റോഡ് നിർമാണത്തിലെ അപാകത ജില്ല പഞ്ചായത്ത്​ അംഗം പരിശോധിച്ചു

കാലടി: കാഞ്ഞൂർ പഞ്ചായത്തിലെ കോളനിപ്പടി തിരുനാരായണപുരം റോഡി​െൻറ നിർമാണ അപാകത അന്വേഷിക്കാൻ ജില്ല പഞ്ചായത്ത് അംഗം ശാരദ മോഹൻ സ്ഥലത്തെത്തി പരിശോധന നടത്തി. റോഡ് നിർമാണത്തിൽ അപാകത ഉണ്ടെന്നാരോപിച്ച് പ്രദേശവാസികൾ പ്രതിഷേധവുമായി രംഗത്തെത്തിയിരുന്നു. പാറപ്പുറം-കോളനിപ്പടി-തിരുനാരായണപുരം റോഡ് കോൺക്രീറ്റ് ചെയ്ത് വീതി കൂട്ടിയപ്പോൾ കുറച്ചുഭാഗം ഒഴിച്ചിട്ടേത്ര. കാടുപിടിച്ച 100 മീറ്ററോളം സ്ഥലം ഒഴിച്ചിടുകയായിരുന്നു. ജില്ല പഞ്ചായത്ത് ഫണ്ട് ഉപയോഗിച്ചാണ് നിർമാണപ്രവർത്തനങ്ങൾ നടന്നത്. ശനിയാഴ്ച നാട്ടുകാരുടെ യോഗം വിളിക്കുമെന്നും പ്രശ്നത്തിന് ഉടൻ പരിഹാരം കാണുമെന്നും ശാരദ മോഹൻ പറഞ്ഞു.