Begin typing your search above and press return to search.
exit_to_app
exit_to_app
Posted On
date_range 28 Jun 2017 8:07 AM GMT Updated On
date_range 28 Jun 2017 8:07 AM GMTറെയിൽവേ വൈദ്യുതി ലൈനിൽ വീണ് മരത്തിന് തീപിടിച്ചു
text_fieldsbookmark_border
കളമശ്ശേരി: റെയിൽവേ വൈദ്യുതി ലൈനിൽ വീണ മരത്തിന് തീപിടിച്ചു. ഇതേത്തുടർന്ന് ഒന്നേകാൽ മണിക്കൂർ ഇതുവഴി ട്രെയിൻ ഗതാഗതം തടസ്സപ്പെട്ടു. കളമശ്ശേരി റെയിൽവേ മേൽപ്പാലത്തിനു സമീപം തിങ്കളാഴ്ച രാവിലെ പത്തോടെയാണ് സംഭവം. രാവിലെ മുതൽ തുടങ്ങിയ കനത്ത മഴക്കിടെ ഈ ഭാഗത്തെ വീട്ടുമുറ്റത്തുനിന്ന മന്ദാരമരം കടപുഴകി വൈദ്യുതി ലൈനിലേക്ക് വീഴുകയായിരുന്നു. ഇതോടെ ആലുവ-എറണാകുളം ലൈനിലെ 25000 വോൾട്ട് വൈദ്യുതി പ്രവഹിക്കുന്ന ലൈൻ പൊട്ടി താഴെ വീണു. പത്ത് മിനിറ്റോളം കത്തിയമരം പിന്നീട് സ്ഥലത്തെത്തിയ റെയിൽവേ ഉദ്യോഗസ്ഥരുടെ സാന്നിധ്യത്തിൽ ജീവനക്കാർ വെട്ടിമാറ്റി. നാട്ടുകാർ അറിയിച്ചതനുസരിച്ച് ഫയർഫോഴ്സും പൊലീസും സ്ഥലത്തെത്തി. അപകടത്തെത്തുടർന്ന് കണ്ണൂർ-ആലപ്പുഴ ട്രെയിൻ കളമശ്ശേരി സ്റ്റേഷനിൽ പിടിച്ചിട്ടു. തടസ്സങ്ങൾ നീങ്ങി വൈദ്യുതി ലൈൻ പുനഃസ്ഥാപിച്ച ശേഷം പതിനൊന്നേകാലോടെ ട്രെയിൻ കടത്തിവിട്ടു. മരംവീണ സമയം വീട്ടിൽ ആരും ഉണ്ടായിരുന്നില്ല.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story