Begin typing your search above and press return to search.
exit_to_app
exit_to_app
Posted On
date_range 22 Jun 2017 8:01 AM GMT Updated On
date_range 22 Jun 2017 8:01 AM GMTമഴക്കാല പ്രതിരോധ പ്രവർത്തനം; ആരോഗ്യ ശിൽപശാലയും അവലോകന യോഗവും നടത്തി
text_fieldsbookmark_border
ആലുവ: മഴക്കാല പ്രതിരോധ പ്രവർത്തനങ്ങളുടെ ഭാഗമായി കീഴ്മാട് ഗ്രാമപഞ്ചായത്തിെൻറ നേതൃത്വത്തിൽ ആരോഗ്യ ശിൽപശാലയും അവലോകന യോഗവും നടത്തി. ഗ്രാമപഞ്ചായത്ത് പ്രസിഡൻറ് കെ.എ. രമേശ് ഉദ്ഘാടനം ചെയ്തു. ആരോഗ്യ, വിദ്യാഭ്യാസ സ്ഥിരം സമിതി ചെയർമാൻ അഭിലാഷ് അശോകൻ അധ്യക്ഷത വഹിച്ചു. വൈസ് പ്രസിഡൻറ് സൗജത്ത് ജലീൽ, അംഗങ്ങളായ സതി ലാലു, സാഹിദ അബ്ദുൽ സലാം, സി.ഡി.എസ് ചെയർപേഴ്സൻ നൂർജഹാൻ, മെഡിക്കൽ ഓഫിസർ ഡോ. ലിസ്യു സെബാസ്റ്റ്യൻ എന്നിവർ സംസാരിച്ചു. ജൂനിയർ ഹെൽത്ത് ഇൻസ്പെക്ടർ എം.ഐ. സിറാജ് പ്രവർത്തനപദ്ധതി അവതരിപ്പിച്ചു. ഹെൽത്ത് ഇൻസ്പെക്ടർ എം.ബി. ഷാജി സ്വാഗതവും സലിൽകുമാർ നന്ദിയും പറഞ്ഞു. ഗ്രാമപഞ്ചായത്തിലെ മുഴുവൻ കുടുംബശ്രീ യൂനിറ്റുകളിലേയും പ്രസിഡൻറ്, സെക്രട്ടറി, ആരോഗ്യ വളൻറിയർമാർ, ആശ പ്രവർത്തകർ, സി.ഡി.എസ് അംഗങ്ങൾ എന്നിവർ പങ്കെടുത്തു. ഒന്നാംഘട്ട പ്രവർത്തനങ്ങൾ മുഴുവൻ വാർഡിലും പൂർത്തിയായതായി യോഗം വിലയിരുത്തി. ആരോഗ്യ ശുചിത്വ പോഷകസമിതിയുടെ വാർഡ്തല യോഗങ്ങളും പൂർത്തിയായി. ഗ്രാമപഞ്ചായത്ത് അംഗങ്ങളുടെ നേതൃത്വത്തിൽ ശുചീകരണ പ്രവർത്തനങ്ങൾ മുഴുവൻ വാർഡിലും നടന്നുവരുന്നു. ആരോഗ്യ കുടുംബശ്രീ വളൻറിയർമാർ മുഖേന രണ്ടാംഘട്ട കിണർ ക്ലോറിനേഷെൻറ കൊതുക് ഉറവിട നശീകരണ പ്രവർത്തനങ്ങളും നടത്താൻ യോഗം തീരുമാനിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story