Begin typing your search above and press return to search.
exit_to_app
exit_to_app
Posted On
date_range 19 Jun 2017 8:44 AM GMT Updated On
date_range 19 Jun 2017 8:44 AM GMTപള്ളുരുത്തിയിൽ തെരുവ് നായ് ആക്രമണം: കുട്ടികളടക്കം അഞ്ച് പേർക്ക് കടിയേറ്റു
text_fieldsbookmark_border
പള്ളുരുത്തി: പള്ളുരുത്തി പെരുമ്പടപ്പിൽ തെരുവുനായ ആക്രമണത്തിൽ കുട്ടികളടക്കം അഞ്ച് പേർക്ക് പരിക്ക്. ശനിയാഴ്ച വൈകീട്ട് ആറോടെയായിരുന്നു സംഭവം. ആക്രമണത്തിൽ പരിക്കേറ്റ കോണം കട്ടത്തറ ഗാന്ധിനഗർ ലൈനിൽ മൊയ്തീെൻറ മകൾ അർച്ചന (23), ഷാനവാസിെൻറ മകൻ അഥിൽ (ഏഴ്), സോയ ഷാജി (40), കെ.എം. ജോസി ( 60) എന്നിവരെ ജനറൽ ആശുപത്രിയിലും ഈസ്റ്റ് പട്ടാളത്തിൽ ഷമീറിെൻറ മകൾ റാബിയയെ(6) മെഡിക്കൽ ട്രസ്റ്റ് ആശുപത്രിയിലും പ്രവേശിപ്പിച്ചിട്ടുണ്ട്. പരിക്കേറ്റ സോയ, റാബിയ ,അർച്ചന, അഥിൽ എന്നിവരുടെ കാലുകളിലാണ് ആഴത്തിൽ മുറിവേറ്റിട്ടുള്ളത്. വഴിയിലൂടെ നടന്ന് പോയവരെയെല്ലാം നായ ഓടിച്ചിട്ട് കടിക്കുകയായിരുന്നുവെന്ന് നാട്ടുകാർ പറഞ്ഞു. കടിച്ച നായയെ പിടികൂടി നാട്ടുകാർ നിരീക്ഷിച്ചു വരികയാണ്. പെരുമ്പടപ്പ് ,പട്ടാളത്ത് റോഡ്, ഗാന്ധിനഗർ, പെരുമ്പടപ്പ് മാട്ടേൽ, കോണം ,സനാതന ഭാഗം എന്നിവിടങ്ങളിലാണ് നായ് ശല്യം രൂക്ഷമായിരിക്കുന്നത്. കഴിഞ്ഞ ദിവസം മട്ടാഞ്ചേരിയിലും ഒരു നായ ആറുപേരെ കടിച്ചിരുന്നു. നായ ശല്യം രൂക്ഷമായിട്ടും നഗരസഭ അധികൃതർ നടപടി എടുക്കാത്തതിൽ പ്രതിഷേധം ശക്തമാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story