തൊഴിലുറപ്പ് തൊഴിലാളി ധർണ

എടവനക്കാട്: തൊഴിലുറപ്പ് തൊഴിലാളികളുടെ വേതന കുടിശ്ശിക നൽകാത്തതിൽ പ്രതിഷേധിച്ച് എൻ.ആർ.ഇ.ജി വർക്കേഴ്സ് യൂനിയൻ എടവനക്കാട് പോസ്റ്റ് ഓഫിസിന് മുന്നിൽ ധർണ നടത്തി. യൂനിയൻ മുൻ ജില്ല സെക്രട്ടറി സ്യമന്തഭദ്രൻ ധർണ ഉദ്ഘാടനം ചെയ്തു. വില്ലേജ് സെക്രട്ടറി റാണി രമേഷ് അധ്യക്ഷത വഹിച്ചു. പഞ്ചായത്ത് പ്രസിഡൻറ് കെ.യു. ജീവൻമിത്ര, പത്മിനി ദിനേശൻ എന്നിവർ സംസാരിച്ചു. ശുചീകരണ പ്രവർത്തനം എടവനക്കാട്: പകർച്ചപ്പനി പ്രതിരോധ നടപടികളുടെ ഭാഗമായി എടവനക്കാട് പഞ്ചായത്ത് സംഘടിത ശുചീകരണ പ്രവർത്തനങ്ങൾക്ക് തുടക്കമായി. പഞ്ചായത്തു വളപ്പിൽ പ്രസിഡൻറ് കെ.യു. ജീവൻമിത്ര ഉദ്ഘാടനം നിർവഹിച്ചു. വൈസ് പ്രസിഡൻറ് ബിന്ദു ബെന്നി അധ്യക്ഷത വഹിച്ചു. സുമ ഗിരീഷ്, ഷറി വഹാബ്, ചിത്തിര ബിനു, വി.യു. ദാസൻ എന്നിവർ സംസാരിച്ചു.