ചെന്നൈ വിമാനത്താവളത്തിൽ യാത്രാബസ് കത്തിനശിച്ചു

ചെന്നൈ: ചെന്നൈ അന്തർദേശീയ വിമാനത്താവളത്തിൽ ബസിന് തീപിടിച്ചു. ഇൻഡിഗോ എയർലൈൻസ് യാത്രക്കാരെ വിമാനത്തിന് സമീപം എത്തിക്കുന്ന ബസാണ് വെള്ളിയാഴ്ച കത്തിനശിച്ചത്. രാവിലെ യാത്രക്കാരെ ഇറക്കിയ ശേഷമായിരുന്നു സംഭവം. ആർക്കും പരിക്കില്ല. ബസി​െൻറ മുൻഭാഗം പൂർണമായി കത്തിനശിച്ചു. അപകട കാരണം അറിവായിട്ടില്ല. അഗ്നിശമനസേന ഉടൻ തീയണച്ചതിനാല്‍ മറ്റു അപകടം ഒഴിവായി.