ക്രമസമാധാനനില അനുദിനം വഷളാകുന്നു

കൊച്ചി: സംസ്ഥാനത്തെ ക്രമസമാധാനനില അനുദിനം വഷളാകുന്നതായി പ്രതിപക്ഷ നേതാവ് രമേശ് ചെന്നിത്തല. കള്ളന്മാരും കൊള്ളക്കാരും ഗുണ്ടകളും തേര്‍വാഴ്ച നടത്തുകയാണ്. എറണാകുളത്തും തൃപ്പൂണിത്തുറയിലും നടന്ന മോഷണങ്ങളിൽ തുമ്പ് കണ്ടെത്താന്‍ പൊലീസിന് കഴിഞ്ഞിട്ടില്ല. എറണാകുളം െഗസ്റ്റ് ഹൗസില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. സംസ്ഥാനത്ത് പൊലീസ് നിഷ്‌ക്രിയമാണ്. ക്രമസമാധാനനില തകര്‍ക്കുന്ന പ്രവര്‍ത്തനങ്ങള്‍ നിയന്ത്രിക്കുന്നതില്‍ എല്‍.ഡി.എഫ് സര്‍ക്കാര്‍ പൂര്‍ണ പരാജയമാണെന്ന് അദ്ദേഹം പറഞ്ഞു.