Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightErnakulamchevron_rightടിക്കറ്റില്ല യാത്ര:...

ടിക്കറ്റില്ല യാത്ര: കായലിൽ ചാടിയ ഒഡിഷ സ്വദേശി ആശുപത്രിയിൽ

text_fields
bookmark_border
നെട്ടൂർ: ടിക്കറ്റ് ഇല്ലാതെ യാത്ര ചെയ്തതിന് പരിശോധകൻ പിടികൂടിയതിനെത്തുടർന്ന് ഓടുന്ന ട്രെയിനിൽനിന്ന് ഇതര സംസ്ഥാനക്കാരൻ കായലിൽ ചാടി. ഇയാളെ മത്സ്യത്തൊഴിലാളികൾ രക്ഷപ്പെടുത്തി. ഒഡിഷ സ്വദേശി സോദുറു നായിക്കിനെയാണ് (40) രക്ഷപ്പെടുത്തി ആശുപത്രിയിലാക്കിയത്. കുമ്പളം-അരൂർ റെയിൽവേ പാലത്തിൽ ശനിയാഴ്ച ഉച്ചക്ക് 2.45ഓടെ ആയിരുന്നു സംഭവം. തിരുവനന്തപുരം-മുംബൈ നേത്രാവതി എക്സ്പ്രസിൽനിന്നാണ് ഇയാൾ ചാടിയത്. ടിക്കറ്റ് ഇെല്ലന്ന് ബോധ്യമായതോടെ തിരിച്ചറിയൽ കാർഡ് ടിക്കറ്റ് പരിശോധകൻ വാങ്ങിയിരുന്നു. പരിശോധകൻ അടുത്ത ബോഗിയിലേക്ക് പോയപ്പോഴാണ് സോദുറു കായലിൽ ചാടിയത്. ആഴം കുറവുള്ള ഭാഗത്താണ് വീണത്. മത്സ്യബന്ധനം നടത്തുകയായിരുന്ന തൊഴിലാളികൾ ഇയാൾ കായലിൽ വീഴുന്നതുകണ്ട് രക്ഷപ്പെടുത്തുകയായിരുന്നു. പൊലീസ് എത്തിയാണ് എറണാകുളം ജനറൽ ആശുപത്രിയിൽ പ്രവേശിപ്പിച്ചത്. കേസ് റെയിൽവേ പൊലീസിന് കൈമാറിയതായി പനങ്ങാട് പൊലീസ് പറഞ്ഞു. തിരിച്ചറിയൽ കാർഡ് കസ്റ്റഡിയിൽ എടുത്തതായും മറ്റുകേസിൽ ഉൾപ്പെട്ടിട്ടുണ്ടോയെന്ന് പരിശോധിക്കുമെന്നും പൊലീസ് പറഞ്ഞു.
Show Full Article
TAGS:LOCAL NEWS 
Next Story