കളഞ്ഞുകിട്ടിയ പണം ​െപാലീസിൽ ഏൽപിച്ചു

ആലങ്ങാട്: കളഞ്ഞുകിട്ടിയ പണം പൊലീസിലേൽപിച്ച് യുവാവ് മാതൃകയായി. ആലങ്ങാട്ടെ ഓട്ടോറിക്ഷ ഡ്രൈവർ വിനോദിനാണ് പണമടങ്ങുന്ന പൊതി കളഞ്ഞുകിട്ടിയത്. ഞായറാഴ്ച രാവിലെ കോട്ടപ്പുറം-ആലങ്ങാട് റോഡിലൂടെ യാത്രചെയ്യുമ്പോഴാണ് പണം ലഭിച്ചത്. ഉടൻ ആലങ്ങാട് െപാലീസ് സ്‌റ്റേഷനിൽ ഏൽപിച്ചു. പണം നഷ്ടപ്പെട്ട വ്യക്തി അടയാളസഹിതം എത്തിയാൽ പണം തിരിച്ചേൽപിക്കുമെന്ന് എസ്.ഐ പറഞ്ഞു.